粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

香港正在消失的语言

soonl 发表于 2016-3-4 |1条回复 |1147次浏览

更多
本帖最后由 云边雁 于 2016-3-4 15:43 编辑

12801312_1155545207789023_7993935603065111845_n.jpg


〔原居民语言〕又叫〔本土语言〕,系指喺一八九八年以前就喺新界定居嘅居民所用嘅语言,主要有六种:围头话、客家话、平婆话、大鹏话〔丁角话,东平洲话〕、蜑家话同埋福佬话。

〔围头话〕
又叫〔本地话〕,系通称〔本地人〕嘅语言,主要系指邓、文、侯、廖、彭五大家族。佢哋嘅田产遍布元朗、上水、粉岭、大埔、沙田等地。属粤语莞宝片嘅宝安话,同广州话有一定嘅差异,系香港新界围头原居民嘅母语。

〔客家话〕
系由〔客家人〕喺清初期间由粤东带嚟香港,佢哋主要系租地耕种,或者系开垦新界东部嘅土地,例如西贡半岛、沙田、大埔、沙头角、荃湾同埋元朗东部。属客家话嘅粤台新惠小片,同惠州及深圳嘅客家话相通,系香港新界客家原居民嘅母语。

〔平婆话〕
喺元朗南部水蕉村一带通行嘅,属客家话嘅另一分支语,同新惠小片嘅客家话有一定差异。

〔大鹏话〕
曾经喺大埔丁角〔丁角话〕同埋东平洲〔东平洲话〕流行,两种语言都同属大鹏话,但系暂未被归类为粤语或者客家话嘅其中一种。

〔蜑家话〕
又名水上话,就系渔民嘅方言。属粤语粤海片嘅宝安话,同广州话相通,只系口音上嘅差异,系香港蜑家原居民嘅母语。

〔福佬话〕
又名鹤佬话、海陆丰话,亦都系渔民嘅方言。属闽南话潮汕片,系香港鹤佬原居民嘅母语。

(来源:广东话资料馆)
更多
廣州本地人 发表于 2016-3-4 16:21:05 ( 加好友 |打招呼 |发消息 )
客家話同福佬話肯定唔屬於香港,至於其他屬粵語系就冇乜所謂。都識就更好。
回复

使用道具 举报

发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部