粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20160129)

无聊的泪珠 发表于 2016-1-29 |0条回复 |1128次浏览

更多
今日系2016年1月29日,天气:小雨转阴,气温有所回升,系大风吹袭底下,困扰南粤大地多日嘅,冬回南天气开始消失,但天气先生话,未来几日广东嘅天气仲系以中雨到大雨为主。
   系今日嘅粤讲粤闻当中,我想讲一下年票制哩一个话题,据呃事人通常都系唔使赔钱嘅报纸佬报道,系日前广东交通厅某官员,同报纸佬讲,广东将会系今年之内,逐渐取消年票制。
    尽管哩一位官员嘅讲话,对于广大车主嚟讲,可能系一个好消息,而且系之前,果啲自认为可以代表民意嘅“民粹”喉舌,也都多次援引国家嘅相关法律条文,话地方政府收取嘅汽车年票制系违法嘅,所以一定要取消。
问题就系,报纸佬啱啱报道咗官员嘅讲话,广州某啲收费道路公司,就即刻同报纸佬讲,如果真系要取消年票制嘅话,佢地就会恢复收费,对来往车辆收取单次通行费。
  恢复收取单次通行费,系表面上哩讲,系非常之公平,边个开车通过就边个比钱。问题就系,好多地方嘅收费路桥,都已经成为城市嘅基本交通枢纽核心,如果恢复收取次票,其结果必然系导致收费站前面,出现严重塞车嘅情况,试想一下,依家某收费站,都尚且经常塞车,如果重新设立收费站,我惗果啲有车一族,肯定系苦瓜炆鸭-苦过弟弟啦。
   某地民粹喉舌,基于自身嘅利益出发,成日咁话要取消年票,但佢地根本冇意识到,年票制之所以推行,其目的并唔系为咗增加地方财政嘅收入。而系为咗解决收费路桥收取次票,所带哩嘅严重交通堵塞问题。
   记得系开始收取年票之后,原有嘅路桥收费公司,其实系非常之唔愿意嘅,原因非常简单:实行年票制之后,佢地所获得嘅收益,远远低于收取次票。但由于地方政府强行推行年票制,所以佢地不得不服从而已(据说当年地方政府通过各种方式,对原有收费路桥公司进行补偿,但实际上有冇补偿,都唔系好清楚)。
   系年票制实行多年之后,如果取消年票制,就意味着原有收费路桥公司,冇办法获得自然收益。系咁嘅情况下,要么地方政府全资回购收费路桥嘅所有权,要么重新恢复收取次票。前者唔单只涉及巨额财政支出,而且基于哩一部分支出,并非系城市普通道路嘅支出,如果由地方政府出资,明显系对非有车一族嘅不公。就算地方政府全资回购,但以后嘅保养及新建路桥嘅费用,又由边一个去承担呢?
  至于恢复单次收费嘅方式,我惗除咗极少数车主之外,都冇乜人会支持哩一种灾难性嘅做法。就个人感觉而言,年票制尽管同国家法律有所冲突,但系国家冇办法全资包揽所有路桥嘅建设,系收费路桥有其非常实际嘅存在价值之前,系唔应该取消嘅,
  至于某地民粹喉舌嘅言论,其实就系为咗反对而反对,因为佢地根本冇惗过,如果真系取消年票,恢复次票嘅话,会比城市道路交通,带哩啲乜嘢影响,尽管佢地话,阿爷可以出钱买断收费路桥,但阿爷自己都冇钱搞哩一啲嘢,单纯反对下面嘅儿孙去收取年票,又有鬼样咩。
  不过,作为一个冇车一族,我反而支持取消年票,恢复次票,试想一下,如果清远嘅有车一族,系嚟往北江河上几条大桥嘅时候,都要收取次票嘅话,清远城区道路上嘅车辆,绝对会减少好多,车辆少咗,空气自然就会变得更加清新.....。

本帖被以下淘专辑推荐:

更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部