粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20151210)

无聊的泪珠 发表于 2015-12-10 |0条回复 |636次浏览

更多
今日系12月10日,天气:晴,系经过连日冬雨之后,清远上空终于迎嚟咗久违嘅晴天,尽管广大人民群众,仲要鼓起最大嘅勇气,现在可以摆脱温暖嘅被窦,但起身之后,睇到咁好嘅天气,人嘅精神都会爽好多。
   将到勇气哩一个话题,我想讲一下,啱啱睇到嘅一条新闻,系哩一条新闻中,当事人嘅勇气可以话非常“可嘉”,因为佢为咗系朋友圈中,晒一晒自己嘅勇气,连命仔都冇埋.....。
  据呃死人通常都系唔使赔钱嘅报纸佬报道,日前系浙江台州,发生咗一单做成两人死亡嘅车祸,而车祸嘅起因系,开车嘅果位猛男,唔单止饮大咗两杯,而且仲系度疯狂咁飙车, 最终部车系连撞几嘢之后冲咗落河入边。
  如果单单咁睇哩一条新闻,广大人民群众可能会觉得冇乜特别,因为醉驾超速+开车跌落河嘅新闻,尽管唔至于经常发生,但绝对唔属于罕见嘅事情。
  而哩一单车祸之所以显得有点特别,系因为开车嘅果位,系胸口贴住只“勇”字嘅猛男,系大排档饮大咗两杯之后,一边开车,一边仲系微信朋友圈中,发出咗咁样嘅内容:
7184179_809360.png

  一路120码杀番去饮酒,就比你地听一下油门嘅声音.....,系事故发生之前,系哩一位猛男死之前,居然一边开车,一边系微信朋友群中,发出咁样嘅内容, 简直就系寿星公吊颈-嫌命长。
而且你死你贱,唔应该连累人地,系哩一位猛男,将部车冲落河嘅时候,一齐系车上嘅另外一个人,同样比佢带上不归之路,逞一时之勇,发一时之酒疯,导致两个家庭不得不面对突然而嚟嘅痛苦,无疑系非常之唔值得嘅。
  记得系香港公益广告中,经常有咁样一句话:生命冇take two,系哩度我奉劝果啲经常喜欢饮酒,而且一饮就要醉嘅人,系饮酒之后千企冇再开车上路,因逞一时之勇好容易,但导致人员伤亡,就唔会再有下一次机会比你重嚟。
更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部