粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20151020)

无聊的泪珠 发表于 2015-10-20 |0条回复 |819次浏览

更多
今日系10月20日,天气:晴,气温保持系29度左右,有轻轻嘅凉风吹拂底下,人体舒适度尚算可以。
   系今日嘅粤讲粤闻当中,我想讲一下保险哩一个话题,我惗,如果你有亲朋戚友做保险,如果你又有玩微信或者QQ嘅话,系你嘅日常生活当中,肯定离唔开形形色色嘅保险推销广告。尽管哩一类广告,都系基于搵两餐嘅方式,不厌其烦咁发出哩比大家睇,但就个人感觉而言,我系非常讨厌睇哩一类广告嘅(微信朋友圈当中,做保险嘅朋友,基本上已经被我屏蔽)。
  而我之所以讨厌哩一类广告,并唔系话保险唔应该买,而系觉得哩一类保险广告嘅形式,存在住非常大嘅问题:通常哩一类广告,为咗吸引人地购买保险,总系喜欢系开头,例举一些理赔案例,之后讲番一句好彩佢有买保险,否则就点点点点。
  而更令我觉得讨厌嘅系,系大嘅自然灾害,或者大事故之后,保险公司居然亦都会顺势推出相关嘅广告,须知道,自然灾害同埋大嘅事故发生之后,作为围观者更应该关注救助过程,而唔系搭单做广告。
  而更令我觉得反感嘅系,由于之前多次发生过,救助老人反被冤枉嘅新闻,有保险公司,居然借助淘宝平台,推出以下哩一个保险:
QQ图片20151020115512.png

  尽管报纸佬话,哩一个保险系淘宝推出以嚟,有好多人买左。但就个人感觉而言,愿意花三蚊鸡,买哩一个保险嘅人,除咗水军之外,其它人应该系贪好玩,先正会买哩一类无厘头嘅保险。
  问题就系,水军归水军,贪好玩归贪好玩,系唔知情嘅人嘅眼中,一个险种嘅推出,必然要有一定嘅市场前景,先正会得到批准推出,问题就系,尽管系新闻报道中,我地可以经常睇到,有人因为救助老人,而反被老人屈。但系我地嘅实际生活中,哩一类案例系非常非常之少。原因好简单,互联网同埋各式各样高度发达嘅媒体,为我地进行咗高度嘅信息互联,而且正常救助老人,并得到老人感激嘅案例,尽管经常发生,但因为佢系属于“好事”,所以被关注同埋传播嘅范围非常之有限。
     但如果有人系救助老人之后,被人地屈玩,咁就大件事咯,报纸电视台互联网,各种各样的新闻访谈,都会蜂拥而至,全方位咁进行报道同埋评论。
  久而久之,广大人民群众就会产生一种好心唔得好报嘅错觉,而某保险公司嘅做法,表面上哩睇,系基于匡扶正义嘅做法,但其实质就系让哩一种错觉更加泛滥,认为众多围观者就会认为,连保险公司都推出咁样嘅险种,系冇买保险嘅情况下,我地见到老人家跌系地上,仲系扮下盲公佬,乜都当冇睇见算把啦.....。

本帖被以下淘专辑推荐:

更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部