粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20151016)

无聊的泪珠 发表于 2015-10-16 |0条回复 |676次浏览

更多
  今日系10月16号,天气:晴,由于之前受台风外围气流影响,所带嚟嘅冷空气,比人赶到冇雷公咁远,所以今日嘅气温,除咗早上有小小清凉之外,白天嘅气温都系29度上下浮动,停咗几日嘅空调,又再被派上用场。
  系今日嘅粤讲粤闻当中,我想讲一下监控录像哩一个话题,监控录像哩一样嘢,系电子产品越嚟越普及,价钱越嚟越便宜嘅前提下,已经大量咁出现系我地嘅日常生活中,当然,佢嘅普及唔单单系前面讲嘅原因,治庵越哩越恶化嘅今日。(唔我我唔识字,只不过强大嘅后台审核程序,对“治庵”嘅正确写法,捕捉力度非常之犀利),装番几只监控摄像头,无疑系一件投入少,收益大卡事情。
   不过今日我想讲嘅话题,尽管系同监控录像有关,但监控录像系哩一件当中,却唔系为咗打击犯嘴分子,而系为咗证实自己冇比人地屈。
  据呃死人通常都唔使赔钱嘅报纸佬报道,日前系北京海淀区发生咗咁样一单嘢,一个阿婆系慢车道上行下,突然间比部单车撞低咗,尽管哩一单唔系乜嘢大嘅交通事故,但骑车嘅女仔,却唔承认系自己装亲人地,而被装嘅老人,却认为如果唔去佢撞到自己,佢就唔会系事后搵阿SIR过嚟处理。
   就系两个人你话你有理,佢话佢无辜嘅时候,阿SIR通过调取附近嘅监控录像,最终证实咗系哩一件当中,骑车嘅女仔唔单只冇撞到阿婆,反而系被因为行行下,突然之间撞过嚟嘅老人家,撞到一扑一碌:
3.png

视频监控结果公布后,果位老人家,自自然就成为被严厉批评同埋指责嘅对象。不过,系我反复睇完相关视频嘅时候,突然间惗起,之前发生系天津嘅,女大学生生骑车撞阿婆事件,尽管系哩一件事当中,阿SIR最终判定女大学生真嘅系撞到咗阿婆,但通过查阅当时公布嘅录像,我却发现,天津女大学生撞人事件,未必真嘅系佢主动撞人嘅:
4.png

系上面哩一张比较清晰嘅监控截图当中,老人家嘅走路姿势,已经处于唔系好稳定嘅状态,如果咁啱得咁巧,女大学生踩车经过嘅时候,老家人倒向佢部单车,系冇清晰嘅视频监控作为证据嘅前提下,佢嘅结果可能就真系有冤无路诉攞。
    至于有所谓嘅证人,证明佢系现场曾经承认撞亲人地(实际上,阿SIR最终系因为哩一啲证人嘅证词,判定女大学生负主要责任)。不过,就个人感觉而言,系佢背后冇装多一对眼嘅情况下,听到有人话系自己嘅单车撞到咗人,而自己嘅单车有确实有明显嘅碰撞感觉嘅前提下。作为一个诚实嘅好孩子,承认自己撞人,充其量系一种本性嘅反映而已,既然视频监控证明做老人行路唔系好稳,既然系北京凡是嘅类似事件当中,确实系老人因为自己行路唔稳,而撞向人地不单车,咁我地就唔可以排除,天津女大学生撞人事件当中,女大学生同真系无辜嘅。
   (温馨提示,基于类似事件经常发生,建议大家系踩单车嘅时候,将手机固定系车头或者车尾,并录像功能打开....)

本帖被以下淘专辑推荐:

更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部