粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20150911)

无聊的泪珠 发表于 2015-9-11 |0条回复 |583次浏览

更多
今日系9月11日,天气:晴间多云,气温同噙日差唔得几多,人体熟悉度依然一般,尽管今日系震惊世界嘅911事件纪念日,但系欧洲发生嘅难民潮,似乎系度话比大家知一个非常之简单嘅道理:成日得闲冇事做搵事做嘅美国佬,似乎忘记咗自己亲手扶植起嚟嘅XX分子,最终会被比佢地带嚟好多好多嘅麻烦。
  美国佬嘅做法,尽管被佢地称之为符合美国利益,但将所谓嘅美国利益,建立系强大嘅军需推广体嘅做法。系某一种意义上哩讲,系一种“好天真好傻”嘅做法,纵观近几十年,所谓嘅基于美国利益介入嘅国际事件,能够真正达到和平目的嘅,似乎系寥寥可数。当然,系强大嘅军需品销售,所带来嘅巨额收益嘅前提下,或者美国人认为自己可以为所谓嘅美国利益,牺牲少少都冇乜所谓。
   讲到好天真好傻哩一个话题,我想讲一下,前几日发生嘅一单“好天真好傻” 嘅新闻。据呃死人好多时候都系唔使赔钱嘅报纸佬,日前系安徽淮南发生咗一单疑似大学生好心救助老人,却又被老人屈嘅新闻。
  尽管哩一件事,到目前为止都尚未有非常之确凿嘅证据,证明哩一位好心嘅女大学生,真嘅系无辜嘅,但从下面哩一张,现场目击证人提供嘅照片嚟睇,似乎哩一位“好天真好傻嘅”女大学生,真嘅系比人屈嘅:
55f214fc46036.jpg

从哩一张现场图片唔难睇出,女大学生所骑嘅自行车,同跌到落地嘅老人,至少有一米几嘅平行距离,而且老人明显系向右跌倒,如果以足部嘅立足点去分析,自行车同老人嘅平行距离就更加之远。而且提供照片嘅目击证人,亦都证明,老人嘅跌到完全同女大学生无关。
  问题就系,系越来越多嘅证人同埋证据,证明女大学生并冇撞亲老人嘅前提下,老人嘅家属依然坚持自己嘅观点,原因居然系:如果冇撞人嘅话,大学生会咁傻咩?
  好一个大学生会咁傻咩?如果老人家嘅家属有睇到下面嚟一单新闻,我唔知佢地有乜嘢惗法,但如果我地嘅社会,比所谓嘅冇可能有人“咁天真咁傻嘅话”,就算下面哩一单新闻,再系我地身边发生一千几百次,最终嘅结果都系,老人家因为冇人救,而去同阎罗王倾计饮茶:
1116482420_14415940212181n.jpg

本帖被以下淘专辑推荐:

更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部