粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20150909)

无聊的泪珠 发表于 2015-9-9 |0条回复 |630次浏览

更多
今天是9月9号,天气:晴,气温较噙日有少少回升,人体舒适度一般。系今日嘅粤讲粤闻当中,我想非常无奈咁,批评一下果啲经常被我形容为:呃死人唔使赔钱嘅报纸佬嘅媒体记者,而我之所以要系今日嘅粤讲粤闻当中,批评一下媒体记者,系因为我系网上睇到咗咁样一条新闻:
2.png

新闻嘅内容大致就系,一位姓颜嘅姐姐仔,系行街嘅时候唔觉意咁执到咗一只荷包,尽管荷包入边只有两个半银钱,但考虑到入边仲有其他证件,所以佢就通过荷包入边嘅名片,同失主建立咗联系。
  问题就系,失主系电话中话比颜小姐知,佢嘅荷包入边系有四千蚊,而唔系得两个半。本嚟失主咁讲,只不过系讲清楚荷包入边装住几多钱,并冇其他意思。
  而好死唔死嘅系,哩一个姓颜嘅姐姐仔,唔知系咪睇得灰色新闻多得滞,所以佢第一时间嘅反应就系,失主系度讹诈佢,而且佢仲将哩一种怀疑,通过自媒体平台发咗出去,甚至乎惊动咗记者去跟踪报道。
更令人遗憾嘅系。而作为媒体记者,系报道哩一单嘢嘅时候,居然以都援用颜小姐嘅怀疑,而冇企系正确嘅立场去报道哩一件新闻。从而导致咗,某啲得闲冇写搵嘢写,日日唯恐天下不乱嘅评论员,出嚟写咗咁样嘅一篇评论:
1.png

问题就系,好多人系执到钱包之后再比番失主,钱包入边嘅钱都系对唔上嘅,因为失主之所以唔见咗只荷包,系因为被三只手帮衬所导致,三只手系帮衬完、将入边嘅钱攞走,就将荷包随便咁丢弃。而颜小姐执到嘅荷包,明显系属于哩一个类型,所以就算失主话比佢知,荷包入边有四千蚊现金,都唔会构成任何非常侵占,或者讹诈嘅成分。
  作为吹水仲多过食饭嘅报纸佬,系报道哩一单新闻嘅时候,应该系报道颜小姐嘅疑惑嘅同时,系新闻报道中,强调哩一个普遍存在嘅事实,而唔应该直接系新闻标题中,错误咁引导读者同埋舆论,而果啲成日写评论嘅“资深评论员”,亦都更加清楚哩一个情况。只不过系狗咬人唔系新闻,人咬狗先正可以出街嘅报道环境中,无论系媒体记者,定性果啲“资深评论员”,都系度故意忽视哩一个事实而已。

本帖被以下淘专辑推荐:

更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部