粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

讲呢啲?一讲即得罪各行各业嘅说话……

可乐鸡翅 发表于 2015-9-9 |0条回复 |1397次浏览

更多
出得嚟行就一定会同各行各业嘅人打交道,一个唔为意就好容易得罪人,行行都有唔讲得嘅说话,睇下自己有冇讲过?

子华神话斋:“做人唔识公关食屎啦!”所以好多公司,好多有钱佬都好识搵公关帮手搞Event,不过佢哋就系无个公关教佢哋同公关沟通,所以咪成日讲下面呢啲说话得罪公关,如果佢哋唔系客,应该畀人打咗十世!


QQ图片20150909131413.png


1.我要5个Guest,帮我Sort个List出嚟,畀100个人我拣。
2.点解商场Show请唔到刘德华加梁朝伟?
3.呢个星咁Cheap,嗰个好多负面嘢,嗰个咁样衰……
4.点解上唔到头版?
5.点解生果报同方向报无登?
6.点解啲相Show唔到个Logo?
7.我出$500,你帮我搵人拍段片。
8.你有冇见个边个边个明星?佢真人靓唔靓仔/女?
9.你就好,有得出Event几好无咁闷。
10.你就好,成日有Sample拎。
11.我同几个Friend就想睇XXX场Show,唔知你可唔可以畀几张飞嚟?
12.听朝9点同我打畀啲记者。
13.G-Dragon班机早咗到,你而家去机场接佢。
14.个客临时想改改个Rundown。
15.放上Facebook宣传,使乜Budget啫!
16.个客话肯加Budget,想喺维港放烟花,不过唔好过一万。
17.星期日Call Time 07:00!
18.叫个记者写完篇报道俾我望一次先
19.公关靠样之嘛!
20.你返边间夜总会?


你哋一个二个而家成日上网睇嘢,惯晒信息系免费,觉得信息系石头爆出嚟,无谂过背后有好多记者、摄影师、编辑帮你哋搵料,古语有云,生不入官门,死不做记者,对于呢班日做夜做嘅媒体人,你哋有冇曾经认为佢哋返工好似去玩?有冇讲过呢啲说话?

QQ图片20150909131435.png


1.做得记者预咗低人工啦!
2.好有理想呀你!
3.正啦,成日返咁晏!
4.做记者嗰啲唔钟意瞓㗎!
5.你份工好好玩!
6.你就好可以写嘢维生!
7.几时出书呀?
8.你即系狗仔队啦!
9.做记者都算,仲要做XX报嘅记者!
10.你就好,成日见到啲明星。
11.可唔可以帮我同华仔攞签名!
12.你就好,成日有得去试食试玩。
13.你识唔识XX个老板,有冇得帮我R折?
14.今日打风,你系屋企做紧咩?
15.有篇突发,呢篇稿唔要!
16.点解人哋个台有,我哋冇?
17.点解你哋啲记者成日针对政府?
18.记者大晒呀!
19.我接受访问有冇钱?
20.篇访问写完可唔可以畀我睇一次先?
21.洗咩畀钱睇新闻,上网大把料免费睇。
22.假设性嘅问题我唔响应。
23.呢个问题系唔存在。
24.我印象中无讲过……


出嚟做嘢真系好多嘢要学,你几叻都假,一下得罪人你想上位都几难,之前教咗你哋对住设计师同传媒人唔好讲啲咩,今日又袋钱落你袋,你以为公司IT部唔关你事?对于大部分嘅科技盲,无咗佢哋你都唔知点做嘢,所以都系恭敬啲好,唔好讲下面呢啲说话喇!

QQ图片20150909131445.png


1.我咩都无掂过,唔知点解部机坏咗。
2.问:死啦,部机唔知点解无反应?我好多重要File喺里面!。
 答:Er……你好似未开机!
3.你计算机咁叻,揿两掣搞掂啦!
4.你返工都系玩计算机之嘛!
5.之前唔系咁㗎,呢个咩嚟(Chrome)?我用开嗰个(IE)去咗边?
6.我揿完Ctrl再揿C,点解无Copy到嘅?
7.个灯胆烧咗,Call IT部!
8.我屋企部计算机点点点,你知唔知点解?放工可唔可以嚟我屋企睇下?
9.我想买部计算机/电话/平板/电视……有冇好介绍?
10.帮我写个网,唔使好复杂,类似Facebook咁。
11.我有个File唔知放咗喺边,你帮我搵返出嚟!
12.大老板:我哋公司要全面数码化!
13.不如写只App屎,而家兴呀!
14.阿边个,同我搞下嗰啲咩大数据,而家兴呀!
15.Google都做到,点解你唔得?
16.公司个Facebook Page点解咁少人Like?帮我搞搞佢。
17.一睇你个样就知你做IT。
18.点解你成个Department啲人一样样嘅?
19.你做IT㗎?咁我搵你买衫有冇折?
20.咦,你有冇女朋友?


唔同行业嘅工作都会同设计拉上关系,唔理你自己是不是设计师,你都好大机会同设计师有交流过,不过我敢肯定99%嘅人都唔识同设计师沟通,你谂下你有冇讲过以下呢堆说话就知!

QQ图片20150909131454.png


1. 畀个机会你学嘢!
2. 你自由发挥,我信你!
3. 我系想要啲全新嘅嘢,你可唔可以畀啲Reference我?
4. 呢个Idea系几创新,但系我想有少少似XXX个Style。
5. 但系你咁样又太似,无咗我哋个Personality。
6. 唔知点讲,我觉得差少少嘢,你执执佢。
7. 而家又好似太Over,你执执佢。
8. 嗰度好似太吉,搵啲嘢塞满佢。
9. 又好似太Full,减返啲。
10.呢个黑色想多啲层次。
11.啲字大只啲,再大只啲,未够,要再大只啲!
12.我唔识形容畀你听,你 Send几个version畀我得唔得?
13.Send个Word File畀我。
14.都系第一版好。
15.个Job有啲赶,你今晚畀唔畀到我?
16.有个Job就好简单,可唔可以帮我?不过我就无预Budget……
17.你呢行都几好赚,揿几个掣就画完!
18.你呢幅咁似我3岁个仔画嘅?
19. $500画3张图得唔得?
20.Adobe illustrator CS6 已经停止运作



好多人其实都唔了解其他人嘅行业,成日以为人哋嗰行就好轻松,得自己辛苦,今次就同大家分享下大家对老师嘅误解!

QQ图片20150909131534.png

QQ图片20150909131525.jpg


我惗呢啲行业嘅人都好想讲一句↓

QQ图片20150909131503.png
更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部