粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20150820)

无聊的泪珠 发表于 2015-8-20 |0条回复 |529次浏览

更多
今日系8月20号,天气:晴转阴,气温异常闷热,人地舒适度一般,由于今日系传统嘅节日-七夕节,所以从今日朝头早开始,就有大量嘅人群,集中系各个山泉采集点,装满大罐细罐嘅、传说中能医好多好多顽疾嘅七月七水番屋企。
  亦都由于某啲成日得闲冇事做搵事做嘅专家,想方设法左论证右论证,将七夕哩一个民间节日,上升到情人节哩一个高度,所以从今日朝头早开始,各种各样嘅相关信息(包括收到红包或者各种各样嘅礼物),亦都系微信中大量出现。而我嘅一个同事,甚至系今日同埋男朋友一起,去民政局攞番一张情定终身嘅红色证书......。
   由于连续几日,因为哩样果样嘅原因,我都冇写粤讲粤闻,所以系今日我想讲番一下,同天津大爆炸有关嘅话题,尽管哩一件事已经过去咗好多日,尽管哩一件事发生之后,有关部门亦都进行咗深入嘅调查,并系全国范围内,对危险品或者化学品,展开咗史无前例嘅大检查。
  但就个人感觉而言,作为全国直辖市嘅天津,尚且有人可以通天接地咁,搞定各种各样嘅部门,设立一个完全唔符合安全规范嘅危险品仓库,而果啲遍布各地,果啲建系山旮旯嘅大大小小嘅类似仓库,又边有可能靠一阵风式嘅大检查,就可以将佢地消灭干净呢?
   就以哩一次天津危险品仓库爆炸为例,系爆炸发生之后,系发生咗大锅嘢之后,有关部门同埋各方媒体,都不断咁系度挖掘,瑞海公司嘅各种各样后台,但对于其它港口嘅类似仓库,对于遍布全国各地嘅危险品存储地,又有几个有关部门,又有几个媒体,会系冇发生大锅嘢之前,会对佢地嘅资质,会对佢地背后嘅实际操纵者,进行深刻认真嘅调查呢?
  天津危险品大爆炸,作为一个已经发生咗,作为一个不可逆转嘅悲剧,或者会好快就会被人唔记得咗,但如果我地唔将果啲完全唔符合规定嘅类似仓库,完全消灭干净嘅话,系不久嘅将来,我地或者会将佢作为一个既往案例,重新攞出嚟讲嘢都唔定。  

本帖被以下淘专辑推荐:

更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部