粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20150813)

无聊的泪珠 发表于 2015-8-13 |0条回复 |548次浏览

更多
今天系8月13号,天气:晴转阴,气温同噙日差唔得几多,人体舒适度保持系炎热嘅状态之中。由于今日系天津一个存储危险品嘅仓库发生咗连环大爆炸,所以从今日朝头早开始,无论系微博定系微信朋友圈,都被相关嘅新闻所占据。
  尽管到目前为止,哩一场因为大火引发嘅爆炸,仲未得到完全扑灭,尽管有关事件嘅真相,以及因为哩一次事故,而导致嘅伤亡情况,仲系系度不断咁更新当中,但以下哩一张屏幕截图,却引嚟咗无数嘅泪点:
644471aejw1ev0wlydtqaj20c80lqabd_副本.jpg

截图嘅内容,源自与两个普通嘅消防队员嘅微信对话,对话嘅内容尽管只有短短嘅十二行字,但却系公众面前,展现出果啲永远都企系救火救灾第一线嘅消防官兵嘅大无畏精神:“我番唔到嚟,我嘅老窦就系你老窦,记得帮我系老妈嘅坟前上香”哩几句话,睇起身嚟唔系乜嘢豪言壮语,但却系代表住,哩一位英勇嘅消防队员,系明知自己要面对嘅系危险重重嘅爆炸现场嘅情况下,我单止冇半步退缩,而且仲做好咗最坏嘅打算。
  我老窦就系你老窦,如果哩一句话用系其它语境,好显然就系带有搵笨嘅意思,但系大宅大难面前,系自己随时要面对死亡嘅前提下,哩一句话却又包含住好多好多,常人难以理解,常人难以拥有嘅意义。
   英雄一生平安,或者系大家睇到哩一段对话之后,所能够表达出嘅希冀,或者系大家嘅希冀感到咗苍天,或者系英勇无敌嘅消防队员,用无比嘅自信精神,降服咗恶魔,因为据最新嘅消息显示,微博对话中嘅两位消防队员,依家已经平安咁撤出咗现场。
   系今日嘅粤讲粤闻嘅结束部分,我想用下面哩一张图片,去表达一下自己嘅一啲祝福同埋哀思:
ab3e5aafa40f4bfb30f05222054f78f0f7361864.jpg

本帖被以下淘专辑推荐:

更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部