粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20150811)

无聊的泪珠 发表于 2015-8-10 |0条回复 |494次浏览

更多
今日系8月11日,天气:阴,间中有零星小雨,系凉风轻吹之下,今日嘅气温较噙日有所下降,人体炎热度当然亦都有所减轻。
   系今日嘅粤讲粤闻当中,我想讲一下同“争”有关嘅话题,作为一个常用字,“争”广泛咁出现系我地嘅日常用语当中,比如:争气、争光、争嘢等等。
  而我系今日讲嘅哩一单新闻,却系同争埋单有关,作为一个礼仪之邦嘅中国,我惗争埋单嘅现象系非常普遍嘅,尽管系争埋单嘅时候,有啲系真争,有啲系假争,有啲系不得不争,有啲系不得不唔比人争,但因为争埋单,而搞出人名嘅新闻,我惗大家应该唔会经常睇到嘅:
  据呃死人唔使赔钱嘅报纸佬报道,最近系北京丰台区,发生咗一单因为争住埋单,而导致人员伤亡嘅意外。死者张先生,因为系争住埋单嘅过程中,被同埋一齐食饭嘅崔先生推咗一下,一个唔小心跌咗落地,而好死唔死嘅系,佢地食饭嘅店家,唔知搞乜鬼,居然放咗一只装满热水嘅锅头系侧跟,而哩一位张先生,亦都因此而跌咗落热水当中。
  尽管系当时,哩一位饮大咗两杯嘅张生,居然罔顾痛楚,自己走番咗屋企,但系好快就觉得顶唔住,要去医院接受治疗,但最终因为伤情过重,同埋延误咗治疗时间,而不得不去同阎罗王倾下计饮下茶。
   一个人好地地无啦啦咁,就去咗见阎王爷,佢嘅屋企人自然就唔肯,问题就系,当佢地将当事人崔生告上法庭嘅时候,崔先生却觉得自己真嘅系冤过窦娥冤。因为佢之前尽管唔识得死者,而且一齐食饭,亦都系为咗帮死者张生介绍工作,佢之所以主动埋单,纯属系因为见到张生冇乜嘢做,所以先正主动埋单。
而作为死者张生,觉得明明系自己有求与人地,却又要人地埋单,自然觉得非常之唔好意思,甚至认为系对方睇唔起自己,所以先正要争住埋单,而系埋单过程中,发生嘅一啲肢体接触往来,亦都系一件非常正常嘅事情。
  至于死者因此而跌落地,本嚟亦都唔会造成乜嘢严重嘅影响,只不过系咁啱得咁巧,店家居然将一大锅热水,放系顾客嘅侧跟,所以现在导致张上嘅死亡。所以,系面对死者家属近乎天价嘅索赔费,佢系点都唔会服嘅。
  就个人感觉而言,如果事情系同崔生所讲嘅一样,咁佢系哩一件事当中,似乎真嘅唔应该承担乜嘢责任嘅,因为作为一个成年人,佢有能力知道自己嘅行为会产生乜嘢后果:比如同人地争住埋单嘅时候,会产生一啲手部接触,系身体失去平衡嘅时候,佢亦都有足够嘅能力,去稳住自己嘅身体。而且,果位已经埋咗单请咗客嘅崔生,系哩一件事当中,从头到尾都处于被动嘅状态之中,根本就唔应该要承担乜嘢责任。所以,张某嘅家属,应该按照崔生所提到嘅,将店家告上法庭并索取赔偿,先正系正道,因为店家系经营过程中,系唔应该将一大锅热水,放咗系顾客嘅傍边。
  尽管哩一个案件,法院方面仲未作出最终判决,但哩一单嘢好明显咁话比大家一个真理:争埋单有风险,为咗避免争埋单嘅情况出现,大家以后请我吃饭嘅时候,记得提前去埋单碌卡....。
5.png
更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部