粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20150807)

无聊的泪珠 发表于 2015-8-7 |0条回复 |494次浏览

更多
今日系8月7号,天气:晴,尽管传说中嘅今年影响最大嘅台风,最近想福建沿海一带搞三搞四,但远离台风中心嘅广东,天气依然保持炎热嘅态势。
   讲到热,我想讲一下最近一个算系比较热嘅话题:围绕作文-《泪》所引发嘅大讨论。《泪》哩篇作文,源自于身处四川大凉山一个孤儿之手,尽管哩一篇作文,只不过一篇怀念逝去嘅双亲嘅文章,尽管哩一篇作文,后嚟经过证实,并唔系哩一位可怜嘅小朋友原创嘅,但哩一篇作品,经过报纸佬报道之后,却引起咗好好大嘅关注:
关注方一:由于哩一篇作文,反映嘅系地处贫困山区儿童嘅贫困生活,甚至乎当初将哩一篇文章,发布出哩嘅报纸佬,都试图通过哩一篇充满”泪点“嘅作文,唤起大家对佢地嘅关怀,甚至乎有好多热心人士,已经借机建立对口扶持基金。当然亦都有人,借机出嚟指责政府救济不力。
  关注方二:系作文被报纸佬报道出嚟之后,面对各方嘅指责,有人却出嚟支出,其实政府以及各种各样嘅救助基金,一直都对大凉山嘅彝族人民,给予各种各样嘅援助,但由于果啲习惯咗发穷恶嘅“穷人”,宁愿伸手张口问政府或者各种各样嘅救助基金攞钱攞物,都唔愿意出去打工。
   对于上述两个显然有啲对立嘅关注方,我觉得前者似乎真嘅系冇从根源去搞清楚,大凉山嘅居民,点解会咁穷?而另外一方,由于大多数都系长期活跃于大凉山扶贫第一线,所以佢地嘅观点,唔单只有成分嘅依据,而且仲向外界揭示咗一个比较难搞嘅问题:如何控制扶贫嘅尺度。
尽管好多时候,我地都会讲,授人以鱼不如授人以渔。但面对果啲净系识得发穷恶,你唔去救助佢地,佢地就要生要死,拉埋大旗带埋大队去到你门口,要你解决生活问题嘅人,除非你够胆死冒住头顶上嘅乌纱帽唔要,否则嘅话,你点都要比番小小面比佢地。
  而更令人感到神奇之处嘅系,作为被救助嘅对象,居然一都心甘情愿咁接受基本救济,宁愿过住极之低下嘅生活,亦都唔会去外边嘅花花世界搏杀一番。
就个人感觉而言,哩一类人之所以有生存空间,除咗基本救济不得不存在之外,仲同佢地嘅思想理念有莫大嘅关系,问题就系,基于民族保护政策方面嘅考虑,各种各样嘅教育扶持项目,能够起到嘅效果,实际上亦都非常有限。如果按照某地扶贫项目嘅经验,将佢地整体移出常住地,或者将佢地分散到各个地方进行融合教育嘅话,对佢地嘅民族文化,又会带哩一个极大嘅伤害。
  系做又难,唔做又难嘅前提下,我觉得与其不断咁,无底线咁去帮助佢地,不如采取极限嘅扶持政策,让佢地生活系一个,远离城市文明,原来城市生活嘅“半原始”生活圈,反正穷就由得佢地穷,只要保证唔会饿死、冻死人就OK,如果过度咁去介入佢地嘅生活,反而会让佢地嘅“穷恶”指数,不断咁攀升,不断咁诱发更多嘅人,进入发穷恶嘅行列当中。
3.png
更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部