粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20150806)

无聊的泪珠 发表于 2015-8-6 |0条回复 |512次浏览

更多
今日系8月6号,天气:晴,气温比较炎热,人体舒适度一般,由于前一排一直都系比较唔得闲嘅状态,亦都由于最近后台监管比较严重。所以已经有好鬼死耐冇点写粤讲粤闻啦。
   系今日嘅粤讲粤闻当中,我首先要讲嘅系一单貌似比较无厘头嘅新闻,据呃死人通常都唔使点赔钱嘅报纸佬报道,日前系四川通江传出一个咁样嘅新闻:为咗制止请客送礼嘅不正之风,也对为咗让请客设宴嘅行为,得到规范,当地有关部门,正准备出台一个规定。规定嘅内容涵括咗几多岁先正可以摆生日酒(泛指大生日),以及唔准摆满月酒,升学酒等等。
  哩一段新闻比报纸佬曝光之后,好显然唔会引嚟太多嘅支持声音,反正却系引嚟众多嘅批评,甚至乎连某权威官方媒体,亦都发文指出,四川通江嘅做法,纯属系得闲冇事做搵事咗,好嘅嘢唔去做,偏偏搵啲无厘头嘅嘢出嚟搞。
  记得当时我系睇到哩一单新闻之后,仲顺手翻版咗一个段子作为讽刺:“青年问禅师:四川通江依家准备限制民间设宴,你点睇哩一件事?禅师微微一笑,指指地上一个木杈一言不发。青年睇住木杈,若有所思咁讲:您嘅意思系民间摆宴之风,应该到咗打叉禁止嘅时候啦?大师闭眼道:非也。我嘅意思系人地摆酒设宴,关佢叉事!”
    关佢叉事哩一句话,大多数情况下,都系话人地多管闲事,唔值得称赞,但最近发生嘅一单多管闲事嘅新闻,却又引嚟一片好评声:
  据呃死人真系唔使赔钱嘅报纸佬报道:系湖南娄底冷水江市,一个老人家。因为唔见咗老年证,系去民政局补办嘅时候,居然被要求前往派出所开具丢失证明。尽管派出所之前从未开过类似嘅证明,但为咗解决老人嘅问题,仲系按照佢嘅要求,开咗一张正式嘅证明。不过派出所嘅工作人员,仲系证明下附文批评民政局嘅工作人员,话佢地纯粹系增加老百姓补办证件嘅麻烦.....
U12774P1T1D32176337F21DT20150805162816.jpg
更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部