粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20150725)

无聊的泪珠 发表于 2015-7-25 |0条回复 |566次浏览

更多
今天系7月25号,天气:阴转多云,间中有短时阵雨,气温同噙日差唔得几多,人体舒适度尚算可以。
  系今日嘅粤讲粤闻当中,我想讲嘅话题系:“只准州官放火,唔准百姓点灯”哩一个话题,而我之所以无厘头咁讲哩一个话题,系啱啱系网上睇到咗咁样一段新闻:
3.png

哩一篇源自于官方权威媒体嘅评论,其内容其实并冇特别之处,只不过系引用咗好多好多嘅数据,去证明GCD军队系八年抗战期间,毙敌八百几嘅讲法,纯属系扯谈。
  不过,哩一篇文章中嘅哩一段话,却系引起咗我嘅一啲啲兴趣:“ 更让人匪夷所思嘅系,如此离谱嘅谣言,系互联网上不仅登堂入世,仲得到众多公知、大V们争相点赞同埋转载。足见有啲人“为反对而反对”到咗何等地步?”
   我之所以对哩一段产生一啲兴趣,系因为文中嘅观点,似乎同我系网上,同某啲为咗反对而反对,见到某啲闻腥而动,根本唔在意“腥味”系真定系假嘅人,做出回应嘅时候嘅惗法系基本一致。
  问题就系,系同哩一类“为咗反对而反对”,就算系心入边,明知佢系假嘅,都一转了之嘅人,不断咁论理同埋回应嘅过程中,我都经常会惗咁样一个问题:点解冇所谓嘅官方五豪党去回应哩一类谣言呢?
作为一个非常喜欢研究各种各样战争成因、过程同埋结果嘅。准准级军事爱好者,基于抗日战争,离依家仲唔算好远,所以系平时我都会花好多嘅功夫,去不断管研究同埋了解果段历史
  亦都因为咁样嘅原因,我系得闲冇事做嘅时候,往往会花一啲时间,去回应所谓嘅GCD系抗战期间及其它相关嘅谣言。问题就系,作为一个普普通通嘅网民,对于哩一啲谣言嘅反击力,唔单止非常有限,甚至乎会引嚟一啲为咗反对而反对嘅人嘅恶意攻击,甚至乎系前两年,系清远某个本地论坛,有人甚至发帖话要约我出嚟,就抗战话题进行“单挑”(唔系武力单挑,而系面对面辩论交锋)。系咁样嘅情况下,就算有人真嘅系企系比较理性嘅立场,对哩一类话题进行回应,但有会有几个好似臭名远扬嘅“风之龙”咁,可以面对各种围攻谩骂甚至单挑,都依然屹立不倒呢?
  至于点解我会讲,官媒嘅做法,形容为“只准州官放火,唔准百姓点灯”, 原因系,果啲就算想站系比较理性嘅立场,去同人地辩论嘅人,系回应过程中,往往会碰到一个非常现实嘅问题,哩一个问题就同上面我用“GCD”去替代某某党一样。
如果我够胆死,唔用GCD、GMD去替代某某党,先勿论你讲嘅嘢系咪代表真相,系武装到牙齿嘅各种各样,实时后台监控软件嘅监视底下,要么系统会自动将某某党,转换成英文,要么就直接转入后台,连睇都唔比人睇到。
  系只准州官放火(官方评论),唔准百姓点灯(普通网民参与评论)嘅环境底下,上面提到嘅果篇评论文章中,提到嘅 足见有啲人“为反对而反对”到咗何等地步?又点会得到有效嘅控制呢?

本帖被以下淘专辑推荐:

更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部