粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20150724)

无聊的泪珠 发表于 2015-7-24 |0条回复 |512次浏览

更多
今日系7月24号,天气:阴天有局部阵雨,气温继续保持咁日嘅态势,气温相对嚟讲仲系比较清凉嘅。
系今日嘅粤讲粤闻当中,我想讲一下叉烧哩一个话题,作为地处热带亚热带地区嘅广东人,系日常嘅饮食习惯中,往往都比较喜欢吃叉烧同埋烧鹅烧鸭等食物。
  亦都由于大家比较喜欢吃,所以因此而引申出嚟嘅,常用语就有好多好多:而其中以,“生够叉烧都好过生佢”哩句话,使用频率比较高。生够叉烧都好过生佢哩一句话嘅使用语境,往往系做父母嘅认为儿女不孝,经常做出一啲激死老窦搵山拜嘅事情。所以系闹佢地开始时候,往往会用到“生够叉烧都好过生佢”(至少叉烧可以用嚟食,生过忤逆仔不孝女,唔单止冇得食,而且仲想激死自己)。当然,哩一句话唔一定系做父母嘅会咁讲,系日常使用语境中,大家都会用到哩一句话,去形容冇一啲人。而下面哩一单新闻嘅内容,如果要用广东话去点评嘅话,就真系:生够叉烧都好过生佢:
2.png

尽管哩一单新闻系发生系北京,而唔系广东,但新闻中嘅女主角,居然系想买一部佢认为档次唔系好高(2000蚊左右),而佢爹哋又冇能力买嘅手机嘅时候。居然发晒烂渣,瞓系马路中间,采取一哭二闹三瞓街嘅方式, 要求佢爹哋一定要买低哩一部手机,而更令人感到神奇嘅系,女主角唔系一个三岁细路女,而系一个20岁嘅成年人。
  作为一个成年人,居然完全无视自己屋企嘅实际经济能力,系都要买一部超出佢爹哋嘅经济能力嘅手机,而且系阿SIR哩度之后,种依然唔肯放弃,而直到店家实在睇唔过眼,打折买咗部手机比佢爹哋。哩一场人间闹剧,现在得到咗结束。
   古语云,养不教父之过,做父亲嘅过于溺爱自己嘅仔女,往往会使到佢地变得如此放纵,但作为一个成年人,居然完全漠视父母对佢嘅宠爱,甚至将父母嘅宠爱,上升到蛮不讲理嘅地步。如果我系佢老窦,肯定会发出:生够叉烧都好过生佢嘅感觉。

本帖被以下淘专辑推荐:

更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部