粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20150721)

无聊的泪珠 发表于 2015-7-21 |0条回复 |499次浏览

更多
今日系7月21号,天气:阴天,有短时阵雨,气温较噙日有所降低,不过人体舒适到依然保持比较热嘅态势。
  系今日嘅粤讲粤闻当中,我想讲一下恶意炒作哩一个话题,而我之所以系今日又再讲哩一个话题,除咗今日冇乜特别嘅新闻好讲之外,亦都同最近连续发生咗两单恶意炒作事件有关。
  恶意炒作事件一:休衣裤事件,休衣裤系粤语当中,系指休起啲衫袖、同埋裤头裤脚嘅意思,我唔知点解哩一件成衣店,点解要起条咁嘅名,但让我知道佢存在嘅,却系因为讲到街知巷闻嘅”试衣门“事件。
  当我系微信嘅朋友圈,不断咁讲哩一个话题嘅时候,我第一时间嘅反应就系:”纯属炒作。原因非常简单,只要你系一个成年人,或者你识得使用代理服务器软件,你就非常容易咁,搵到同”试衣门“事件,类似嘅视频,甚至乎视频嘅尺度仲更夸张。
  问题就系,哩一类视频通常系唔见得光,又或者哩一类视频,大多数发生系一啲唔系好出名嘅,店铺试衣间入边,所以尽管好多人,非常容易咁搵到类似嘅视频,但都唔会有人系微信圈中不断咁攞出嚟讲。
而休衣裤之所以比人攞出哩讲,其实质并唔系因为视频不断咁流出(大多数都被屏蔽咗),而系系背后有一啲,成日得闲冇事做嘅网络炒作公司,不断咁通过各种方式去推送同埋炒作。而一啲网络段子手,自自然亦都会闻腥而动,不断咁写出各种各样嘅段子,替人地进行逆向宣传。尽管休衣裤方面发布公开声明,话哩一件事完全同自己无关,但要外界相信佢地嘅所谓公开声明,似乎真系有啲难啦,或者佢地真系冇策划过哩一件事,但系哩一件事系微信圈不断咁发酵嘅前提下,佢地嘅公共关系推广人员,完全冇介入嘅话,打死我都系唔会相信嘅。
恶意炒作事件二:沈阳地铁不雅门事件。哩一件事尽管到目前为止,仲冇证据证明系一件恶意炒作事件,但由于当事人,系公共场合,显得过于亲热,而且就算果个女嘅,面皮点样厚,都唔至于系公共场合,比男朋友上下其手。而且用手机拍摄嘅人,居然够胆死肆无忌惮咁,用手机拍摄人地,而唔惊人地发现之后,打佢一餐。由于哩一件事,被某啲人发布出哩之后,就即刻以惊人嘅速度传播出去,再加上前面讲嘅,存在故意摆拍嘅疑点。所以我有理由相信,沈阳地铁不雅门事件,亦都系一啲网络炒手,恶意炒作出嚟嘅东东哩嘅。

本帖被以下淘专辑推荐:

更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部