粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20150720)

无聊的泪珠 发表于 2015-7-20 |0条回复 |458次浏览

更多
今日系7月20号,天气:晴转阴,间唔中有短时到唔短时嘅阵雨,气温依然缓慢回升态势,人体舒适度:热。
  系今日嘅粤讲粤闻当中,我想讲再讲一下的士大佬拒载哩一个话题,因为今日城内两家大事唔敢点报到,小事却系经常讲嘅媒体,都不约而同咁系网上,挖番清远的士行业普遍存在嘅,唔按表收费,以及拒载等问题。
   就个人感觉而言,哩一个话题之所以比人不断咁攞出嚟讲,不断咁有人通过各种各样嘅方式,进行投诉。原因固然同有关部门嘅监管不力有关,亦都同“清远嘅的士大佬,经常拒载”嘅特色,已经深入民心有莫大嘅关系。
     讲起的士大佬拒载,就算我嚟一个一年当中,打的嘅次数,仲少个入厂保修嘅人哩讲,尽管冇试过真系比人地拒载,但系万能嘅打车软件嘅实际应用当中,如果我选择嘅目的地,离打的嘅位置距离唔远嘅话,尽管手机软件显示附近有一百几十台空载嘅的士,但都唔会有任何一台会相应你嘅打的请求,当然,如果你选择打赏五文嘅话,佢地就会仲快过坐火箭咁,相应你嘅约的。
  问题就系,清远嘅的士起步价,尽管同大城市有啲差别,但每公里嘅收费,却系同人地一样,都系2个6。而据大事唔敢点报到,小事却系经常讲嘅本地媒体报道,清远嘅的士佬普遍认为,十文以来嘅车费,系冇办法支撑佢地嘅运气成本。
  对于的士大佬哩嘅讲法,我系完全唔认同嘅,尽管我读得书少,去嘅地方亦都唔系好多,但我却知道,系广州嘅的士起步价,亦不过系10蚊(相对于清远的士嘅起步价哩讲,系贵咗啲,但人地嘅起步价里程却比清远嘅的士远),但人地又米一样嘅正常生存。
  薄利多销,多搭多攒钱,哩一个其实系一个非常普遍嘅商业原则,但清远嘅的士大佬,对短途客长期拒载嘅做法,唔单止冇使到佢地嘅收入,达到一个非常之理想嘅状态,反而导致相当一部分市民,基于对打的可能被人拒载嘅担心,而宁愿选择打摩的,都唔愿意企系街边等的士。
    尽管哩一种现象,系打的软件非常普及嘅今日,得到咗有效嘅改变,但哩一个问题都系得唔到最终嘅解决。从的士行业一直缺乏有效监管哩一个现象,可以折射出清远哩一座所谓嘅广东最大嘅地级市,所谓嘅旅游文明城市嘅管理水平,系如何之低下,作为好多搭车嚟清远玩嘅人,一落车碰到嘅就系的士拒载,的士大佬磨刀霍霍搵人斩嘅情景,你要佢地对清远留下美好嘅印象,就真系难难难攞。

本帖被以下淘专辑推荐:

更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部