粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20150718)

无聊的泪珠 发表于 2015-7-18 |0条回复 |520次浏览

更多
今日系7月18号,天气:晴,尽管从今日下昼开始,天空中突然出现咗一阵阵嘅凉风,缓解咗一下气温,但今日嘅气温依然保持炎热嘅态势。
   系今日嘅粤讲闻当中,我想讲一下医患纠纷哩一个话题。我惗平时有睇新闻,或者经常同医院打交道嘅人,都应该知道,最近一段时间,病人(或者其家属)针对医护人员嘅暴力事件,不断咁发生,而前一排,广东某地一名住院部女医生,只不过稍微迟小小,帮一个病人睇病,就被人斩到成身伤。
    亦都因为哩一件事,有啲无厘头,亦由于类似事件,实在发生得太多,所以系女医生被病人斩伤之后,引发咗五十万个医护人员,通过各种各样嘅方式,要求严惩类似暴力事件,同埋大量保障医护人员嘅安全。
    作为一个经常要入厂保修,一年当中同医生见面嘅次数,可能仲比见老婆仲多嘅人,我觉得目前嘅医患矛盾,之所以越哩越激烈,纯属系因为目前医护人员嘅编制存在严重不足,医患双方缺乏足够嘅沟通时间有好大嘅关系。
  就以上一次入厂保修为例,系所有病床都满员嘅情况下,居然仲系得一个医生同埋一个护士值夜班,而碰到有病人要转院,或者新收病人果阵,夜班嘅护士往往又冇办法准时交班(上夜护士系下夜护士上班嘅时候,冇办法正常落班),导致护士嘅工作强度变得非常之大。
  而果啲系三更半夜住院嘅病人,往往又系碰到非常紧急嘅情况,先正系果个时间入院,系病人嘅同埋佢嘅家属,紧张焦虑嘅心情得唔到缓解嘅情况下,往往就会对医护人员,产生不信任,不理解,甚至敌视心态。
    系上次入厂保修嘅时候,我就碰到咁样一个三更半夜入院嘅同房病友,哩一个病友,系开车跑完长途之后,突然间觉得全身无力,下肢处于瘫痪状态,由于哩一个病人,可能觉得自己有啲似中风,所以佢仲自己吃咗一粒安宫牛黄丸,现在漏夜叫亲戚,开车送佢过嚟医院。
  但经过医生嘅初步判定,佢嘅病情唔系中风,而系钾偏低,系简单开咗啲药之后,医生就离开咗病房。问题就系,病人觉得自己下肢瘫痪,就疑神疑鬼咁认为系好大件事,佢觉得自己咁大件事,医生唔认真咁去睇佢,系一种唔系几负责任嘅行为。
  好彩嘅系,我被佢地吵醒咗之后,听见医生讲嘅病情之后,马上用手机上网,帮佢了解一下病因,并对照佢嘅检验结果,之后话比佢知,医生嘅判断基本正确,佢现在稍微安心咗小小。
及至第二日早上,佢嘅病情都冇乜改善,佢觉得系唔系医生判定错咗,结果佢屋企人哩到之后,同佢讲经过佢地系网上查过,以及问过一啲亲友,觉得佢嘅病,真嘅系属于缺钾,佢现在死死地气咁,放弃做转去广州大医院,继续留系人医接受治疗。
   之后因为得到咗对症治疗,佢好快就可以企番起身,但从哩一件事唔难睇出,好多病人,特别系得咗急症嘅病人,佢嚟到医院或者大件事都要住院咁夸张,佢地往往系非常之希望,医生能够成日系佢地身边,问寒问暖,不断咁回应佢地嘅疑问。
但系实际操作中,作为一个有经验嘅医生,往往系睇咗检验结果,就会推断出大致病情,而对于一啲疑难杂症,又需要经过几日嘅检验化验,先正可以知道大概病因。系咁嘅情况下,佢地实在系冇太多嘅话,去同病人讲。
   但并唔系每一个病人都理解哩一点,再加上佢地经常听到睇到嘅系,同医护人员有关嘅负面新闻,系焦虑、怀疑、唔理解等等因素嘅累积之下,医患冲突嘅出现,就成为一个大家唔想睇到,但却有经常发生系身边嘅事情啦。
  讲到医护人员嘅负面新闻,我觉得报纸佬虽然经常报道医护人员嘅正面新闻,但系好事唔出门,坏事传千里嘅大环境底下,有关医护人员嘅正面新闻,基本系冇乜几个人睇嘅,而冇乜几个人当中,明显系报告我哩一个老病号,原因系果啲所谓嘅正面新闻,完全系唔接地气嘅=相当一部分工作认真,但冇乜特别先进事迹嘅医护人员,得唔到正能量嘅支持,冇睇有先进事迹嘅医护人员,又被报纸佬不断咁神化同埋推高,系咁嘅情况下,要想改变病人对医护人员嘅睇法,估计哩一个世界上,要有好多好多个类似“风之龙”状物体现在得。

本帖被以下淘专辑推荐:

更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部