粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

超详细嘅老婆使用说明书,男人睇熟先好结婚啊!

可乐鸡翅 发表于 2015-7-14 |0条回复 |651次浏览

更多
QQ图片20150714174731.png



【产品名称】
民间俗称:老婆。
文学名称:妻子、夫人。
古代通称:拙荆、内子、娘子、堂客、贱内。
夸奖名称:贤内助。
动物学称:老虎乸、河东狮。
生物学称:已婚女性。

【颜色编码】
夜间编码:黑天哦
日间编码:白天哦
廿四小时:黄面婆
本产品系一种高价买翻嚟嘅商品,既冇抽奖,亦冇得退换。

【混合成分】
水、蛋白质、脂肪、核糖核酸、碳水化合物,多种矿物质、香料等。本产品气味幽香、仲具有七情六欲。

【理化性质】
酸性,好易呷醋;易溶喺蜜语甜言;唔溶喺无名无份。

【产品性状】
本产品为凹凸状糖衣物品,表面涂层一般喺粉底、口唇膏等化妆品,落妆之后呈现浅黄色,外观同落妆前略有差异;对钻石、铂金俱有磁性作用;有名车、毫宅效果更佳。本产品怕丑时会面红,发嬲时会窦鸡兼发澜渣,初用时手感柔软细腻,存放时间奈咗之后会出现黄斑,肥腻、起皱,松驰等现象,均属正常,但唔影响继续使用。

【产品功能】
本产品主治单身恐惧症、传宗接代等顽疾,对失恋、单思病亦有明显效果。适用喺烧淘洗买、照顾细路仔同老人嘅家居至宝。

【副作用】
气管炎、耳仔软、视觉疲劳、思觉失调、行为受阻等。严重不良反应者,更可能会导致皮肉损伤。

【用法用量】
本产品适宜口服兼外用,最好系一生一件,捧喺手心入面使用效果更佳。对无效者,可以暂时停用并向婚姻专家咨询,或者隔一段时间后重复使用。

【注意事项】
本产品仅适用于单身之成年男性。使用时需小心谨慎,细心观察有冇不良反应,如有不适须马上停止使用,如果冇就可以继续使用。若忌烟酒等不良习惯,会使疗效更佳。

【贮藏细则】
本产品应该喺常温之下妥善保存,室内阴凉之处最佳;如果喺室外,就需避免强烈阳光直射。贮藏期间,特忌随意放喺一边唔理。仲要避免同其他女性共同存放。严禁喺外边过夜存放。

【包装数据】
各种纤维类时装、泳衣、鞋帽、首饰、手袋,仲要随季节变化随时更换。

【有效限期】
视乎满意程度而定,最长可达一生一世;最短,三两日亦可能失效。

【禁忌须知】
无论咩时候,都唔能够讲佢『唔靓』!同时使用两件或以上者,恐怕会出现不良反应,严重情况会导致失效过期。

【注意事项】
肾功能不全人士,特别要小心使用。

【产品规格】
通常喺80至110斤左右,如果出现特殊情况,请搵健康医生处理。身体偏重或超标人士,唔影响使用。

【批准文号】
见有效结婚证书或钻戒说明书内页。

【生产日期】
见有效身份证。

【生产企业】
岳父、岳母或高科技术医院。

【特别提示】

1、喺得到本产品前,你本人必须同本产品进行情感交流,以保证本产品日后有更好嘅使用。

2、使用本产品前,请仔细阅读本说明书,要按照说明书规定或喺婚姻专家嘅指导下使用。

3、正喺到使用紧其他同类产品而且尚未停用者必须禁用。

4、本产品为非处方类物品,但系喺登记购买之前需要出示若干有效证件。

5、本产品具有同你一样嘅生命同生活习性,而且受到法律保护。严禁对本产品殴打叱闹等不良习惯。特别唔好喺药后使用,避免严重损坏。情况严重者将会被处于刑法。

6、本产品具有聪明才智,并且知道你只能拥有一个同类产品,佢会使用种种方法畀你知道你只能拥有佢一个。喺你接触其他同类物品时,尽量唔好畀佢知道,特别系你嘅通讯工具例如手机,尽量做到:信息睇完后就删除、回家手机就关等良好习惯。强烈建议你入门口之前确保你身上冇其他味道同毛发!!!

7、本产品仲系一部功能超强嘅数钱机器,佢能够准确无误咁数出你每个月嘅所有收入,仲能够根据你嘅情况测算出你可能嘅额外收入,一旦发现,你必需如数归仓,佢可以令你喺攞钱时遇到麻烦,仲喺一段时期内拒绝向你提供一切服务,令你嘅生活产生混乱。

8、本产品喺使用期内需要进行日常护理,用呢个丝啊嗰个露嘅嚟搽喺产品表面,仲有咩液某某丹用嚟畀产品内服。呢啲日常护理,本产品具有自主维护能力无须你操心。但系唔建议你同意本产品进行局部嘅改造同升级,以免影响部分使用功能。你只需要用啲甜言蜜语,点滴嘅关爱,即刻可以使本产品发挥最佳使用效能同延长有效使用期限。

注:本手册不随产品附送,说明书系由使用者自行编写。
更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部