粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20150714)

无聊的泪珠 发表于 2015-7-14 |0条回复 |476次浏览

更多
今日系7月14号,天气:晴,气温极度炎热,天气先生话,室外最高温度达到37度(估计路面实际温度超过40度)。系如此炎热嘅天气底下,系office或者屋企,叹下空调或者系一种非常最好嘅避暑方式,可惜嘅系大多数广大人民群众,都不得不顶住烈日同埋酷暑,到处奔波同埋做嘢。
    系今日嘅粤讲粤闻当中,我想讲一下差评哩一个话题,作为一个超级X宝控,系网上购物嘅时候,或多或少都会收到一啲,外观同埋实物唔相符商品,但纵横X宝咁多年,我仅仅系打过一次差评同埋几次中评,而其它嘅基本上都系好评(好评率达到99.99%)。
个中原因除咗系购物之前,我都基本系认真咁研究同埋对比过之外,系碰到商品有问题嘅时候,往往又会以一种非常理性嘅态度,同商家进行沟通。
  反之,作为一个经常系X宝评审频道出没嘅X宝控,系日常判定其它卖家嘅投诉嘅时候,往往会发现相当一部分卖家嘅投诉,都系属于无理取闹嘅范畴,以非常简单嘅七天无条件退货为由,根据X宝嘅规定,七天无条件退货,买家系需要承担运费嘅,但往往有一部分买家,却因为唔肯出哩一部分运费,而向X宝提出投诉。
  而更有甚者,系落单嘅时候,明知自己买嘅系流嘢(翻新手机等),系收到货之后,居然又话同原装差异好大,而且我系某一次评审嘅时候,见到一个买家,系买咗一台价格低廉嘅杂牌风扇之后,居然以某大品牌风扇咁好,而要求退货。
   无理由退货,无理由打差评,好多时候,往往会带哩一啲严重嘅后果,就以之前系广州大学城发生嘅女大学生被害案为例,犯罪嫌疑人嘅犯罪动机,居然系因为佢嘅X宝店,被卖家打咗差评,系心情非常郁闷嘅前提系,居然选择咗用极端嘅方式发泄。
  而系今日嘅报纸佬报道中,同样有一间同打差评有关嘅新闻:
1.png

我唔知新闻中嘅哩一位文联主席,系咪觉得自己系一个名人,就可以胡作非为。但我觉得,尽管哩一位名人,写嘅作品未必真系好鬼死差,但系我地嘅网络空间,系我地嘅各种各样嘅BBS当中,无端谩骂无端打差评嘅人,确确实实系好鬼死多。
  一个话题明明系好值得讨论,但偏偏有人会无厘头咁插入嚟,挑起事端甚至会无端谩骂,可以讲,作为一个被人插到周身刀仔嘅“知名网友”,我对哩一种无厘头嘅攻击,如果唔系习以为常嘅话,分分钟就会好似好多人咁一走了之....

本帖被以下淘专辑推荐:

更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部