粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20150709)

无聊的泪珠 发表于 2015-7-9 |0条回复 |454次浏览

更多
本帖最后由 无聊的泪珠 于 2015-7-9 16:47 编辑

今日系7月9日,天气:晴转多云再转阴,受双台风外围气流影响,今日嘅天气除咗显得比较清凉之外,部分时间仲有丝丝细雨,从天上飘落嚟,人体舒适度亦都自自然咁增加咗一啲。
  系今日嘅粤讲粤闻当中,我想炒一下冷饭,搵番几个月之前讲过嘅一个话题哩讲一下。据真系冇呃人嘅报纸佬报道,由于系3月中旬举报嘅清远马路松比赛嘅奖金,迟迟得唔到发放,所以有参赛选手,向报纸佬投诉哩件事。
   而报纸佬系接到相关投诉之后,就哩件事展开调查之后,却意外咁获知咗咁样一个信息:哩一次被广大清远人民投诉到阿妈都唔认得系乜嘢样嘅,以”国际“为名头嘅马拉松比赛,居然出现严重嘅亏损,系耗资高达400万嘅情况下,其商业收益仅仅系得四五十万。尽管媒体嘅系报道嘅时候,冇问清楚,高达三百几万嘅亏损,究竟系由边一个支出,但作为主办方无力承担相关费用嘅情况下,哩一部分巨额支出,肯定系由果啲闹清马闹到阿妈都唔知乜嘢样嘅清远人所承担。
  而且更令人感到神奇嘅系,当果啲到依家都冇攞到奖金嘅国内选手,投诉清马组织方,优先发放做奖金,比非洲参赛选手嘅时候,主办方居然话,佢地咁做唔系歧视国内参赛选手,只不过系如果唔及时发放奖金比非洲参赛选手嘅话,会对我地(清远)带嚟唔好嘅影响而以。
    好一个唔准时发放奖金,就会对我地(清远)带嚟唔好嘅影响,问题就系,非洲选手系唔识中文嘅,而且又都同中国嘅媒体唔系好熟,如果清马嘅组织方,迟咗发奖金比佢地,我惗佢地通常能够做嘅就系,通过经理人,同清马嘅组织方追数。
  而果啲国内参赛选手,唔单止识中文,而且同报纸佬亦都可能有啲熟。系佢地嘅奖金迟迟攞唔到手嘅情况下,佢地自自然就会惗到,要搵报纸佬帮佢地出头。而一旦报纸佬为佢地出咗头,爆咗清马嘅大锅,其结果就系真真正正咁影响咗清远嘅声誉啦。
       更为严重嘅系,由于嚟清远参加马拉松比赛嘅选手,平时亦都有参加国内嘅类似比赛,佢地亦都长期活络于马拉松选手嘅社交圈,所以佢地嘅投诉,必然会影响到,其它马拉松选手,参加下一届清马嘅热情同埋信心。所以哩一次清马组织方,有头威冇尾阵,系资金基本唔到位嘅情况下,打肿只脸充肥佬嘅做法,其获得嘅唔系使得清远嘅城市形象得到大增,而系一个”唔受信用嘅城市”。
   另外,系主办方系回应记者提问嘅时候,仲讲过系下一届清马,将唔会再邀请嚟咗,纯属就系为咗攞奖金非洲马拉松选手,但就个人感觉而言,清远市有关部门,如果真嘅系唔请国外选手参赛嘅话,清远国际马路松比赛,就会成为昙花一现嘅历史,原因好简单,冇”国际选手“参加嘅话,清远国际马拉松比赛,就要降级成为:清远马拉松比赛。我惗果啲见惯咗官场百态,见惯咗各种各样劳民伤嘅政绩工程嘅升斗市民,如果真系相信主办方嘅话,我惗佢地就真系要面壁思过啦。

本帖被以下淘专辑推荐:

更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部