粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20150708)

无聊的泪珠 发表于 2015-7-8 |0条回复 |388次浏览

更多
今日系7月8日,天气:晴转多云,由于台风莲花越哩越接近广东,所以今日嘅天气,依然收到莲花嘅外围气流所影响,气温继续保持唔系好热嘅态势。
  同稍微清凉嘅天气唔同嘅系,今日嘅估市走势再次比广大估民带嚟嘅系,一片冰凉嘅感受,系各种各样、睇起身哩强而有力嘅救市政策带动下,估市终于顽强咁,向住北极熊方面再次迈进咗一大步。越系救市越系跌,或者哩一个就系野蛮咁干涉市场经济,所带嚟嘅后果。
   尽管我唔系一个估民,亦都冇乜兴趣研究估票,但作为一个冷静嘅旁观者,我一直认为国家通过各种各样嘅方式,去刺激股票上涨嘅政策,其本质只不过系杀鸡取卵,原因好简单,系国民游动资金被股市大量占用嘅情况下,系绝大多数人都认为,买股票就等于赚钱嘅情况下,股市所沉积同埋套住嘅资金,必然会对整个国民经济,带嚟严重嘅影响-做实业嘅唔想做实业,或者将本应该投入实业嘅资金,攞用到股市当中,平时正常咁番工做嘢嘅人,将工作心思完全放系估市当中,其结果亦都必然会导致工作做得唔好,或者唔认真。更为严重嘅系,股票一直可以玩落去嘅话,对整体经济或者唔会带嚟非常严重嘅影响,而一旦庞氏骗局冇办法玩落去,一旦估市出现大逆转嘅话,大量嘅民间游资就会因为被套,而人间蒸发或者成为一个记忆符号。
  就以今日本地媒体报道为例,相当一部分估民,从前期嘅赚咗5万,到依家倒贴3万,系冇办法弥补亏损嘅情况底下,其消费意欲必然受到严重嘅影响,而消费意欲嘅下跌而产生嘅连锁反应,往往又牵涉到各行各业,牵涉到各种各样嘅从业人员嘅实际收入。
    可惜嘅系,某啲部门某啲机构,一直唔肯承认,估市嘅前期暴涨,实际上系一种非理性,非体现上市公司自身价值嘅上涨。而一旦估票嘅庞氏骗局,再亦都玩唔落去、一旦有人利用逆向做空机制,系估市当中赚去佢地认为应该赚嘅钱。某啲部门某啲机构,就将一顶顶高帽,笠系人地嘅头上,并不断咁放出风声同埋政策,话自己要做活雷锋,要救民于水火当中。
  可惜嘅系,前期已经获利,依家暂时唔使点蚀钱,或者蚀得唔系好多嘅估民,再亦都冇信心,继续参与庞氏游戏当中,同佢地继续玩落去,所以广大人民群众,就睇到一个残酷嘅事实:你越系要救佢,佢越系走向死亡嘅边缘!
QQ图片20150708165952.png
更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部