粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20150706)

无聊的泪珠 发表于 2015-7-6 |0条回复 |414次浏览

更多
今日系7月6日,天气:晴,尽管今日嘅太阳公公依然出嚟发威,但由于受台风外围气流所影响,今日嘅气温尽管比噙日高咗少少,但仲算系可以让人接受。
  与唔系好热嘅温度相似嘅就系,令广大估民热切期待嘅,周六日证监会同埋其它金融机构出台嘅救市政策,终于使到估市有咗少少回升,但由于前期散户食得大闸蟹过多,所以一见到有机会解套离场,就纷纷采取走革唔透嘅态度,纷纷割肉离场,导致估市系出现短暂嘅回光返照之后,顺序回落,尽管最终估市以飘红嘅态势收市,但系两百几只估票上涨,六百几只估票下跌嘅残酷现实面前,众多大闸蟹估计都好难有信心,继续陪护盘嘅庄家玩落去啦。
  讲完估市,我想讲一下流量偷跑哩一个话题。据呃死人唔使赔钱嘅报纸佬报道,据某唔知权威定唔权威嘅鉴定检测机构鉴定,由于大部分只能手机都预装咗,各种各样、五花八门嘅APP,而且哩啲APP大多数都系唔可以直接删除嘅,而且哩啲APP,往往又会系手机处于上网状态嘅前下,自动连接网络,系后台偷偷咁消耗手机嘅上网流量,而某手机品牌,最高嘅流量偷跑量居然达到90M/月。
  作为一个准专业级别嘅智能手机玩家,我觉得报纸佬嘅报道尽管有啲言过其实,但目前安卓系统嘅不合理架构,后台程序嘅反复自动运行,以及大多数智能手机使用者,系使用手机嘅过程中,根本就唔注意定期或者唔定期咁维护自己嘅手机,往往亦都使自己嘅手机,长期处于被偷流量嘅状态当中。
其实,作为一个智能手机嘅使用者,如果系使用手机嘅过程中,能够经常清理一下垃圾同埋后台程序,删除一啲自己一年都唔用一次嘅APP,如果手机唔上网嘅话,就关闭互联网数据访问功能,我惗手机被偷流量嘅机会系会低好多好多嘅
  当然,如果系手机捆绑嘅APP,通常系要通过第三方软件获得ROOT嘅权限,至于有人话,ROOT之后厂家往往唔会保修,其实只不过系一种吓人嘅讲法而已,因为要还原手机系统嘅难道,同ROOT差唔得几多,如果手机出现问题,大不了就重新还原番出厂设置就可以搞定。
  当然有人会话,唔系个个都识得ROOT,但要学识ROOT嘅前提,只不过系你识用电脑,因为目前网上嘅ROOT机软件,已经简单到你点下一步再点下一步就搞定,一啲难度都冇。
当然,如果某啲消费者投诉手机厂家,预装APP过多嘅案例,得到法院嘅认可嘅话,或者广大手机用户,或者可以悭番哩一个工序,但就个人感觉而已,预装嘅APP其实大多数都属于规范化嘅APP,基本好少会有偷流量嘅情况(充其量就系不断咁提示你要升级APP),绝大多数偷流量嘅APP,都系手机用户系知情或者唔知情嘅情况下,自己安装上去,而且哩一部分手机用户,往往又系属于大头虾,自己嘅手机流量被人偷咗都未必知道。直到要扣话费嘅时候,先正发现自己白白咁交多咗流量使用费。
系哩度我想忠告一下果啲系度使用智能手机嘅朋友,智能手机有风险,小心钱包被缩水。

本帖被以下淘专辑推荐:

更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部