粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤讲粤闻(20150704)

无聊的泪珠 发表于 2015-7-4 |0条回复 |491次浏览

更多
本帖最后由 无聊的泪珠 于 2015-7-4 17:25 编辑

今日系7月4日,天气:晴,气温依然保持炎热嘅态势,由于噙晚黑,我参加咗一次清远本地摄影Q群嘅KTV群聚,所以今日系今日嘅粤讲粤闻当中,我决定用粤语写作嘅方式,记录一下哩一件事:
                                                                       摄影狼群KTV群聚记
          乙末年六月初八,公元2015年7月3日,某摄影狼群班狼革势凶嘅识男识女,经过反复讨论及沟通,沟通再沟通,讨论再讨论,最终系广大人民群众嘅压力之下,群主肥猫决定冒住比飞机一族放飞机嘅风险,决定系清远市清城区旧城沿江路附近嘅红馆KTV,搞番一次唔大唔细嘅狼嚎聚会。
是日夜晚,尽管群主肥猫系倒尿咁早就话比大家知,时间地点同埋联系人系边个,但基于广大人民群众,一直都有参与机场建设嘅热情,所以仲系有一啲啲人,放咗群主肥猫嘅飞机。而且更加令肥猫感到唔开心嘅系,原先佢以为会有靓女空降落哩,但最终都系竹篮打水一场空。
由于本文系风叔叔写嘅,所以只能够以风叔叔出现之后开始写,由于风叔叔嘅公司嘅客户,带咗鬼死咁多正宗从化桂味过嚟,亦都由于风叔叔本人系唔可以吃荔枝(尽管佢实际上已经系吃咗四粒咁多荔枝),所以佢出现嘅时候,手上系攞住斤几两斤,新鲜滚热辣嘅荔枝嘅。
系风叔叔经过长途跋涉,花咗大概两支烟嘅时间去到红馆嘅时候,群主肥猫同埋大名鼎鼎,扬名中外嘅,超级无敌发烧友小白兔,已经斯斯文文咁,气定神闲咁,默默无声咁(咪头未开),坐系度迎宾。
  风叔叔之所以咁鬼死就去到221房,系因为佢系未去之前,就听闻今晚参与狼嚎聚会嘅人当中,有好多好多咪霸出现,所以佢就惗住早啲去,唱番几首饮歌先。
问题就系人算不如天算,正当风叔叔兴致勃勃咁,点咗三几首歌,系度乱咁嚎嘅时候,号称打破天下无敌手嘅翻版女BEYOND嘅苏女神,着住一身白裙如风如影咁飘然而至。
  《海阔天空》通常系果啲喜欢鬼哭狼嚎嘅人嘅饮歌(所谓饮歌,系指饮醉咗酒之后先正唱嘅歌),居然被苏女神以一种非常温柔,非常之动听嘅声音去演绎。
之后就是苏女神系度独霸天下,肥猫、小白兔同埋风叔叔做现场观众。后嚟随住红衣女神紫晴,短裙女神洛洛以及高老细,辉老板等人嘅姗然而至,所以战况比较混乱。
饮酒嘅饮酒,劈奶嘅劈奶,再之后就系水蛇女神海儿,带住袋吉祥物“水蛇”,同卖号称大只佬,实际上一啲都唔大只嘅大只佬出现系广大嚎友嘅面前。
之后,之后再之后就系玩色仔,饮啤酒或者饮奶,由于风叔叔最近运气非常之好,所以佢嘅中奖率亦都非常之高。而果位自称被群主度咗落贼船嘅辉少,居然重奶轻友,成功咁转变为狼嚎一族中,唯一一个饮奶嘅雄性动物。
系经过一轮又一轮嘅饮酒劈奶,劈奶饮酒之后,高歌利用一切可以利用嘅机会,成功咁将咪头系众多靓女咪霸手上,抢咗过嚟成功咁上升到头号男咪霸嘅地位。
而风叔叔系中咗好多好多奖之后,亦都趁机借去吞PO,系人心涣散嘅前提底下,饮酒劈奶就自自然,自自然咁消失咗一段时间。
之后,就系例牌节目-影大合照。系经过小白兔同埋一番高手努力之后,参加狼嚎之夜嘅识男识女,终于成功咁影咗一张大合照,尽管系大合照中,群主本人明显唔系好投入,但总睇嚟讲都算系过得去。
之后,再之后就系白衣女神话自己要番闺,根据海儿又话要走先,果个冇乜点饮酒嘅辉少,就自自然咁成为护花使者,再之后再之后,月牙女神系经过漫长嘅搵车位停车嘅痛苦经历之后,亦都成功咁出现系广大人民群众嘅面前。
可惜嘅系男咪霸话已经唱都够晒喉,红衣女神又话第二日要上班,所以最终剩低四个人系度支撑场面。
  由于月牙女神搵车位停车搵得实在太辛苦,所以嚟到之后,自自然就系成为候补咪霸,可惜嘅系,果过唔知饮咗几多酒嘅大只佬,系度搞搞震冇帮衬,搞到人地都冇乜心情唱歌,好彩嘅系,肥猫及时伸出援手,将佢拉埋一边玩大话骰。
  开始嘅时候,自认为系酒精考验嘅无产阶级战士嘅大佬,认为睇起身嚟老老实实,斯斯文文嘅肥猫,唔会系佢嘅对手,而且系开始嘅时候,佢亦都连劈佢几杯,所以佢就有啲斯斯然,惗住肥猫哩次你仲唔死。
点鬼知肥猫系比人连灌几杯之后,系酒精嘅作用之后,终于露出咗佢嘅真实面孔,一而再再而三咁,反击成功。搞到大只佬完全冇晒佢办法。
  而月牙女神系唱咗N首心水K歌之后,亦都非常心满意足咁离开咗现场,系月牙女神走咗之后,221房就剩低三个人,其中两个饮大咗嘅人,不断咁边饮边系度鬼哭狼嚎,剩低果过又系度一边睇住人地傻饮,一边听住人地乱嚎,一边用手机上Q,现场文字直播。
系超过原定计划散水时间半粒钟之后,两个饮到傻下傻下嘅人,同埋一个搞完文字直播嘅人,终于决定番闺訓觉,摄影群狼嚎之夜胜利结束。

本帖被以下淘专辑推荐:

更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部