粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

老泥妹、姑爷仔、油艇仔呢啲旧时嘅粤语称谓,你听过未?

狂乱的人 发表于 2015-7-3 |0条回复 |928次浏览

更多
肉弹
好似狄娜就系肉弹,同脱星唔一样,唔好搞错。

QQ图片20150703145009.png


脱星
而陈维英就系脱星,同肉弹唔一样,又唔好搞错。
唔知陈维英系边个嘅话,请自己上网查一下。

QQ图片20150703145022.png


波霸
唔系美斯,唔系C朗,更加唔系拜恩,系叶子楣。
唔知叶子楣系边个嘅话,又请自己上网查一下。

舞女〔母女〕
负责喺夜总会陪客人倾偈、饮酒、跳舞、猜枚、同上床嘅工作,喺八九十年代嗰时,年青貌美嘅舞女收入都唔错,比好多人嘅收入高好多,而年老色衰嘅就会获赠一张冷板凳嚟坐。

交际花〔胶制花〕
原意系指嗰啲善于交际应酬嘅女人,但系内含贬意,多数俾人觉得等同于高级妓女〔贵妃鸡〕。

飞仔、飞女
等同依家嘅“MK仔”、“MK女”,旧时通常都唔会单系叫飞仔、飞女,多数会尊称佢哋做“死飞仔”、“死飞女”嘅。

油脂仔、油脂妹
喺七八十年代兴起一套叫《油脂》嘅电影之后,跟风学电影角色着衫打扮嘅死飞仔、死飞女都升呢成为油脂仔、油脂妹,而油脂妹之后仲发展出“甴曱妹”、“wet妹”等嘅称呼。

老泥妹
继油脂妹、wet妹之后出现嘅另一个变种,通常系指嗰啲流连街头,周围游荡,无所事事,冇书读,冇工做,唔愿回家嘅少女。

QQ图片20150703145037.png


油艇仔、油艇女.〔油瓶仔、油瓶女〕
唔系油王嘅仔女,亦唔系船王嘅仔女,系个老母带着啲仔女改嫁之后,啲仔女会就自动俾人升呢叫佢哋做油艇仔、油艇女。喺旧时,通常系会俾人“白眼”睇唔起嘅。

后底乸〔后仔乸〕
男人带着仔女另娶老婆,新老婆〔后母〕就自动俾人升呢做后底乸,无论做得几好,都一定会俾啲三姑六婆话佢刻薄老公前妻嘅仔女。

鱼蛋妹
喺八九十年代兴起嘅一种已消失嘅行业,工作地点系喺鱼蛋档,但系哩啲鱼蛋档并唔系卖鱼蛋嘅,个档口只会提供一啲卡位,请一啲未成年嘅少女〔鱼蛋妹〕陪客人倾偈,但通常啲客人都好少倾偈,只会将对手游走喺鱼蛋妹嘅身上,有啲鱼蛋妹仲会提供“达菲鸡”嘅服务,但鱼蛋档里头系唔准涉及性交易,想进一步嘅话就要同鱼蛋妹商议好之后出外面交易。

QQ图片20150703145048.png


姑爷仔
同嗰啲食软饭、食拖鞋饭嘅男人有啲唔同,分别系喺食软饭、食拖鞋饭嘅男人只系靠女人做嘢嚟养自己,通常个样都系猥琐颓废,略带道友型格嘅。但系姑爷仔就唔同,佢哋系靠女人做鸡〔妓女〕嚟养自己,先要条件系高大俊朗,略带邪气仲加好,所以有啲男人平生最梦寐以求嘅系做个食软饭、食拖鞋饭嘅男人,唔系做个姑爷仔,唔好搞错。

马夫
搞清楚,马夫同姑爷仔系两样嘢嚟架,马夫嘅工作只系带啲妓女上马缆,唔使靠靓仔,姑爷仔要呃啲女仔做妓女,唔靓仔口才唔好都唔使指意做得成呀,以前啲黑社会最钟意搵啲个样靓靓仔仔既〔古惑仔〕嚟做姑爷仔。

菠萝鸡
唔好当成系菠萝炒鸡球,菠萝鸡系指啲黐饮黐食嘅人。 

十三点
系指嗰啲活跃好动,傻头傻气又带啲愚昧无知嘅少女,但唔知来源是不是嚟自好多年前嘅一本叫《13点》嘅漫画。

裙脚仔
系指嗰啲好似长唔大嘅男仔。成日好似个细路仔咁,系出门或者撤娇嗰时,仲要拉住阿妈嘅裙脚边咸啊咸啊一样。喺以前,会系咁叫佢哋,但到咗依家,都仲系。

马姐〔自梳女〕
扎起马尾长辫、着住白衫黑裤、嚟自顺德嘅全能一脚踢住家工人,立志梳起唔嫁嘅自梳女,大多数都系刻苦耐劳、厨艺精湛,通常会联埋啲志同道合嘅马姐一齐凑钱买楼,退休之后就一齐住,亦即系姑婆屋。

QQ图片20150703145100.png
已有 1 人评分威望 收起 理由
drizzt + 3   羊城网鼓励用户发布各种形式的原创作品.

总评分:  威望 + 3   查看全部评分

更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部