要救人地，首先要救自己

   版主发UP疯 之：要救人，首先要救自己

    美国金融海啸掀起波浪滔天，拥有巨额外汇储备嘅中国难免亦被卷入巨浪当中，对于中国仲会唔会继续买美国国债，同埋支持唔支持美国嘅救市争议，更加引发咗国内唔少类似“宁赠友邦，不与家奴”嘅批评声音。

　姑且勿论中国买唔买美国国债嘅利弊，中国真係有Capability做世界金融危机嘅救市主么？

　事实数据摆响树。中国经济总量占世界6%嘅分量，当世界经济龙头欧美国家原地踏步，全球经济沉沦，想要依靠6%嘅力量撬动全球经济重回升轨，显然有些不太现实。

　再睇睇我地中国自己，亦都唔能够成为呢场金融海啸嘅避风塘。最新嘅9月GDP出炉啦，增速为9%，减速到咗近五年嚟嘅新低，再睇下一年之间跌咗八成嘅股市，同埋近来阴跌不止嘅楼市，以及频繁曝出长、珠三角老细执笠走佬嘅消息，未来中国经济嘅走势，明显地值得忧虑。

　因此，我地中国根本唔需要接受全球经济救世主的高帽，冇咁大个头，就唔好戴咁大顶帽啦。即使要做Superman拯救世界经济，都要分下庄闲卦?顺序唔该你搞清楚：要救人地，首先要救自己。只有我地中国将自己嘅事情搞好，呢个就係对全球经济最大嘅贡献。就好似97年嘅金融风暴一样，人仔唔贬值，就係对东南亚等各个重灾国嘅最大贡献。

　就正如《国际歌》歌词所唱嘅“从来就没有什么救世主，也没有什么神仙皇帝”，中国政府即使有米替美帝多买啲国债，又或者咛出啲外汇储备和亚洲各国搞个外储基金，并唔代表中国就係全球经济救世主。