刘翔退赛事件嘅疑问

刘翔退赛事件中，政府係咪应该需要解答如下疑问呢？

    已知刘翔有伤在身，并且肯定唔可以获得冠军嘅情况下，点解唔提前治疗进行手术，并且宣布刘翔退赛？其实哩件事响奥运会开始前就可以决定，点解要拖到比赛日？

    係咪有人“卸搏”唔想承担刘翔脚伤进行手术嘅责任？係咪有人想故意隐瞒真相多卖门票赚黑心钱？係广告商嘅压力么？定係部分官员嘅个人原因，例如某啲人特别想睇到刘翔出现起跑线度？

    国家体育总局体委要获得其收益，就存在点样对待刘翔哩个“国有资产”嘅问题。自从刘翔雅典夺冠以来，上贡体育总局嘅钱年年增长“猪笼入水”，发过“猪头丙”，成咗体育总局敛财嘅摇钱树，短期内削减佢嘅比赛时间，要佢多参与商业活动以及能带来政治收益嘅活动（诸如参与缉毒广告等），显然係对体育总局来讲有赚冇赔嘅买卖。假设刘翔SAY NO唔愿意多拍广告（响金钱同运动生涯之间进行权衡后嘅结果），对边个损失最大？当然唔係刘翔本人，而係体育总局同经纪团队。

    运动员处于国有化同商业化两端之间嘅一块“夹心饼”，实际上对自己嘅身体并冇太多嘅发言权。商业化团队尚可客观评估其长期同短期嘅收益，而对于政府官员而言，则相当短视，并且因为无需要为运动员嘅失败承担任何责任，所谓“有金执大家Share，有锅鬼同你咩”，所以，佢地更容易有激励响短期内折现运动员嘅终身收益。哩个唔单只表现响金牌同奖牌比例嘅异常化上面，同时亦表现响对刘翔退赛时间嘅决定上。从开幕式上嘅作假 ，到运动员比赛安排上嘅计划，笼罩住鸟巢同水立方嘅并唔係乜嘢奥林匹克精神，而是国家嘅计划，一环套住一环，环环相扣，无穷尽也。