中华传统文化嘅敌人正正係自己

    无可否认，我地中华民族真係一个博大精深、历史悠久嘅古老民族，但奇怪嘅係：围棋、茶道嘅发扬光大靠嘅係侵略过我地嘅日本国；而端午节、中药就快变成咗韩国人嘅传统节日；我地汉族嘅传统服饰——汉服响某些国人眼中竟然成咗所谓“哈日”。好唔容易端午、清明变成咗国家法定节日，但似乎又过得毫无传统节日味道。呢个究竟係自己嘅传统文化出咗问题，定係我地自己出咗问题？

    同时，近年荷里活电影使用了大量嘅中国元素，但却又竟然被某啲国人认为係文化侵略。有条叫赵半狄嘅所谓先锋“伪”术家嘅茂利嚟到国家广电总局电影局，呼吁抵制荷里活电影《功夫熊猫》响中国上映，条茂利俾出嘅理由係：荷里活响沙朗斯通“报应论”之后，又走到劫后余生嘅中国赚“黑心钱”唔厚道，《功夫熊猫》“盗窃”咗中国嘅国宝同功夫。荒谬！

    如果话一部动画片就能够盗窃中国功夫，咁中国功夫算係乜啊，随随便便自己嘅传统文化就被人侵略咗，咁係因为你保护传统文化不力，定係人地侵略嘅问题呢？

    可能有人不屑咁话：“功夫熊猫里面，西人只係学咗啲皮毛嘢。”係啊，人家学了皮毛嘢就学得咁好。点解唔见你天朝拍部博大精深弘扬中华传统文化嘅比国民睇下呢。拍唔出博大精深，有文化内涵嘅电影，咁拍部传统文化皮毛嘢嘅电影，你都拍唔出嚟，仲理直气壮，话啲西人学嘅皮毛嘢唔到家，真係唔知个丑字点写。

    两千几年前嘅孔圣人就话过：“祸起萧墙”，乜嘢事都係内部先出问题，要揾内部矛盾。依家文革思维阴魂不散，总係有人跳出嚟话国外呢个反华，果个反动嘅论调，点解就唔可以从自己身上揾原因呢？我地一味遣责啲西人窃取我地传统文化嘅同时，点解唔去反问下自己呢五十几年嚟，我地响保护传统文化度又做咗啲乜嘢呢？

    中华传统文化嘅破坏，一次係蒙古人南下屠杀国人，一次就係內战结束后嘅文化大革命，而十年嘅文化大革命对整个中国社会政治、经济、社会、文化嘅破坏，係日本人打咗中国八年所不可比嘅。当时烧孔庙，砸文物，烧古迹，毁庙宇......一切一切都成为破四旧嘅牺牲品。可以讲係一场对中华传统文化嘅浩劫......

    天作孽，犹可违；自作孽，不可活。所有嘅孽，都系自己种嘅，我地自己都唔重视自己嘅文化，反而指责人地，中华传统文化嘅敌人唔係人地，正正係中国自己。

不要让历史的悲剧重演，其实历史的悲剧只是不断的重演。