中国人嘅天才登峰造极

中国人的确係天才，尤其係果种化喜剧为悲剧、化悲剧为喜剧嘅能力，简直係登峰造极举世无双。先唔好讲早前胡锦涛主席去四川指挥抗震救灾，当地政府官员为佢铺上腥红地毡迎候，呢班所谓地方“父母官”可谓充分发挥其丧事当成喜事办嘅幽默感；眉精眼企嘅奸商亦都不甘呢班地方官员后尘，重庆有间即将开张嘅火锅店，竟然打出“五一二震宗火锅”嘅招牌，以大地震作噱头。唔知道顾客经过呢间餐店，有冇勇气行入去呢下？

 

 

紧接住，重庆某旅游摄影杂志也不甘示弱“创意”无限，正值大地震举世震惊举国哀悼之际，刊登一辑比坚尼女郎去地震灾区废墟拍摄嘅春色艳照，大有将灾难“娱乐化”之势，违背起码嘅社会公德，令人愤慨。。。

 

就算连庄严嘅奥运圣火亦都难逃幸免成为发挥创意嘅对象。有见圣火传递时甚为火爆，有商家灵机一动，将一种壮阳药命名为“奥运肾火”。壮阳与奥运本来风马牛不相及，但係响中国嘅特殊国情下，“肾火”与“圣火”虽一字之差，却不禁令人莞尔。我捻，可能中国需要一场奥运会嚟证明再次崛起，而应酬太多以致肾亏嘅贪官奸商，也亟需壮阳药，助其响二奶情人面前重振雄风喇。咔咔。。。

 

讲起壮阳药，最有效最出名嘅要数“伟哥”咯。但係“伟哥”係舶来品，爱国者应用国货嘛，而中国五千年文明之中，房中术可谓第五大发明。老祖宗相信以形补形之法，历代皇帝以虎鞭、鹿鞭配以莫名其妙嘅成分炮制春药壮阳，轻松驾御数千名后宫佳丽。如今，“食脑”嘅商家将古老壮阳之法冠以奥运嘅名义，立刻彰显与时俱进嘅现代气息。咔咔。。。

有趣嘅係，响壮阳药“奥运肾火”嘅包装度，唔单只堂而皇之地印上咗奥运火炬嘅图案，而且仲有奥运五环标志，果五个相连嘅圆环，又好像係五个安全套串埋一齐。如此有特色嘅壮阳药，简直绝到痹喇，理应列入北京奥组委特约礼品，奉赠观礼嘅各国政要，为国增光。 咔咔。。。

哈哈哈，咪话唔提醒羊城网嘅壮男们啊，千祈唔好贪新鲜试新野用呢个牌子啵~~~因住“虚不受补”之余稍有不慎嘅话，不单只未能点燃夫妻或伴侣嘅激情，反而举火自焚，咁就呜呼哀哉咯。