男人如風筝

今日鍾意佢，聽日鍾意另一個，后日又可能就会换咗第個。婚姻如纸，咁感情呢？我有個師奶級嘅女性朋友講得好，佢話：感情就好似係握響手裡面嘅沙，握得太紧，沙会顺着手掌心往外漾；握得太松，会顺着手指那往外漏。握得太多唔好，握得太少又冇安全感。 我另一個有夫之婦朋友鍾意咗一个男人，外遇嘅原因竟然係老公思想上（未到行動上）花心。頂！非常老土嘅報復“游戲”。小弟覺得：男人花心係好平常嘅事，古人有道：“茕茕白兔，东奔西顾，衣不如新，人不如故”。其实，只要佢嘅心最终係響你果度咪得咯，逢場作戲之後識訂返歸，只要行為上冇超越底線咪適當放生下咯。但我呢位朋友却係从严治夫，总係將個男人握得實啊實，佢去到邊度，都要請示、匯報、審批，大凡有個異性同佢通電話，都要查根問底，打爛沙盤問到笃。既然係兩公婆都搞到毫無信任咁又何必呢？自己辛苦不在話下，仲要個男人都辛苦埋一份。結果最后唔通要搞到一拍两散咩？
男人嘛，就好似沙粒，你嘅手够温柔，你嘅手够宽松，就会始終留住佢嘅。男人嘅心，就好似放飞嘅风筝，飞得再远，佢终究仲系会飞返你只手度。“放風筝”嘅師奶唔好忘記，该松一松嘅时候就松一松，该紧嘅时候至適當收紧下。