怕老婆会发达

        禽晚上QQ群聊，哈，话题无厘头讲到“妻管严”B君嘅一句：怕老婆会发达，未发达皆因唔够怕。。。咔咔，有认同，有感触。。。

        有人话过，锡老婆嘅男人怕老婆。男人爱锡自己嘅老婆知冷知热，本应系理所当然嘅，但系加个“怕”字，就唔系每一男人都能做得到咯。“怕”并唔可以简单理解为惊，而应该理解为关爱嘅另一种表达方式。因为“怕”，所以唔会同老婆争吵个胜负而家嘈屋痹，因为“怕”，满足晒老婆嘅一D要求，比如，落班买鎹做下煮饭公喇，为老婆添置下靓衫靓鞋靓袋喇，就算几唔得闲，都会抽D时间出黎陪老婆谈谈情散散步。。。呢D都系“怕”嘅具体表现，但又不失男人气概。

　　有人话过，心地善良道德高尚嘅男人怕老婆。呢一种系众人都赞叹嘅好男人，或者系怕老婆激坏左身体，或者系为左唔想两公婆家嘈屋痹影响到屋企小朋友嘅学习同埋夫妻间嘅感情，又或者为左更好咁安慰老婆受伤易怒嘅心，呢种男人可谓用心良苦，的确系一种好男人。

　　有人话过，心胸宽阔嘅男人怕老婆。当年某剧集果一句：我有广阔嘅胸襟加强劲嘅臂弯。。。哈，林死万千“无知”女性。。。咔咔，呢种男人不计前嫌，得理饶人，宽宏大量。特别系对老婆更能够理解体谅，会使好多夫妻间嘅矛盾化干戈为玉帛。当然，呢种男人表里一致，唔能够留于表面一副大度风范，私底下就成只鹌鹑咁，咁样就会变左过于极端喇。

　　犯了错误嘅男人怕老婆，呢种男人既胆小又心虚，但并非一无是处，最起码佢知道自己衰边泛，由此产生怕老婆嘅心理。对于呢种男人只要佢知错必改，唔再衰，对老婆又怕又爱，亦都系一种好男人。

　　总之，“怕”字当头冇有使惊，只要对家庭，对亲人有高度责任感嘅男人都有少少怕老婆。但最终目的只不过系比老婆更开心令到夫妻感情更融洽遮，“怕”？又何乐而不为呢？

       我怕老婆，但系我点解又未发达呢？B君话斋：因为你未怕够咯~~~咔咔