活在揾笨嘅国度

活在中国，冇最无耻，只有更加无耻，所以一般蚁民百姓周毕时都俾D北街揾笨。

我当初俾所谓价值投资揾笨，买咗航天通信。今日，航天通信嘅年报出嚟喇，果然有价值，每股旧年收益1.777蚊；但系。。。顶佢个肺，居然黑社会到唔分红，唔转增，今日年报公布之后开盘即跌停，股价从30几蚊，两个几月以嚟一直跌到15唔使透气，依家市盈率只有8喇，大佬啊，投资价值响边树啊？你投资做佢股东，佢有盈利一条毛都唔派俾你！

成思危条粉人又出嚟水，话乜唔跌到2242点，就唔算系熊市，仲系牛市。妖！喂，90%嘅股票都缩水一半喇，仲唔系熊市系咩啊？咁系咪真系跌到2242点俾你条粉人睇下吖？！。怕且到果个时候，中国已经变成咗1989年嘅罗马尼亚，唔知道边个系中国嘅齐奥赛斯库咯。

17大更加系揾笨之中嘅极品，H生果一句“创造条件让更多群众拥有财产性收入”，心捻住今铺听党话冇死啦，点知半年落嚟嘅结果，系就系创造条件喇，之不过系：“创造条件让更多群众拥有的财产缩水”呢！

都系果个“两栖动物”院士何祚庥讲得好：“谁叫你不幸生在中国”。。。接一句：你只能俾班北街揾笨。