红颜知己——男人遥不可及嘅梦想

  所谓知己，互相理解，互相认同，互相支持，矢志不移，终身好友也。
  而红颜知己，确切嘅解释不过系女性知己而已——一个与你在精神上独立、灵魂上平等，并能够达成深刻共鸣嘅女性朋友。而唔系单单系畀你一味倾诉烦恼情绪嘅垃圾站，或者响外边嘅世界受左伤害至倦鸟望归嘅巢穴。
  呢个世界上，一个男人最需要嘅，除左一个老婆，仲有一个红颜知己。当你老哥卧病在床，同病魔搏斗紧，痛到要生要S刀仔葛大脾果阵，慌张无措喊得最大声果位，一定系你老婆。佢惊你痛，惊你S。巴不得替你痛，替你S，令你感动，令你心灵难安。但系红颜知己就唔会咁，佢只会企响你床头，用口、用眼、用心，去话比你知，佢知你痛系边度，佢理解你，替你默默分担，使你灵魂不再孤寂，令你欣慰。
  由此可见二者嘅本质区别系：前者系爱你嘅人，后者系懂你嘅人。
  一个男人，假如生命中有一个刻骨铭心爱你嘅女人，又能有一个心有灵犀懂你嘅女人，哗，夫复何求？
  如果话老婆系太阳，情人系月亮，咁红颜知己就系星星。太阳月亮有疲倦嘅时候，星星却冇，佢闪闪烁烁若即若离，甘于寂寞却又灿烂而长久。
  无论你响人地面前几咁高高在上，不可仰视，但系红颜知己眼里面都只有尊严而冇威严。佢，能够穿过层层面具，如入无人之境咁行入你嘅心灵，用一种只有你同佢都懂嘅语言嚟同你进行灵魂对话、交流。一种男女间绝无丝毫暧昧，无性爱胜于有性爱嘅升华境界。。。
  所以，能够做红颜知己嘅必定系女人中嘅精品。而能够拥有红颜知己嘅也必定系男人中嘅智者。
  同性知己尚且难搵，红颜知己自然更系珍品中嘅珍品，更需要用心、用情嚟维护。
  但系，现实世界里面真系会存在呢一种介于亲情、友情、爱情间嘅第四类情感---红颜知己嘅关系吗？或者我地只会见到更多嘅系存在果种知己+情人关系嘅第五类情感？
  事实上，呢种红颜知己关系，之所以世间难求，全因绝多数男女都好难把握应对呢种关系自身心态嘅平衡，缺乏自我克制能力，表现出或患得患失，或得寸进尺。从本质上睇，世间男女都系难以抗拒彼此之间嘅果种性爱与情欲嘅诱惑。进而难以普遍存在于现世。
　存在即合理，不过像这种夹缝中求生存嘅难得一遇嘅呢种关系，或者只能系适者幸存拥有之。窃以为，只有具备两种情况同心理条件至可相对容易做到：即系前妻前夫或前任男友女友；又或者一方为爱默默牺牲心甘情愿嘅付出而无怨无悔。
  “蒹葭苍苍，白露为霜，所谓伊人，在水一方”，正因为距离，所以伊人将一切嘅美丽收于一身。而红颜知己呢一份可遇而不可求的机缘。也许只能永远系我地男人一个遥不可及嘅梦想。