痴孖根

正所谓三五成群冇个好人，男人围埋一齐嘅时候，讲女人似乎一定喺“例牌菜”。边个生得“索”啦，边个身材正啦，边个生得“哟”啦，边个喺“猪扒”啦。。。男人本性如此，当呢个世界仲有男女两种生物嘅时候，男人呢条“劣根”喺冇得变嘅。男人响女人面前衰咗，梗喺玩死撑扮冇嘢，个心就乸住乸住。有D“极品”男人戆居到明知衰咗，明知冇可能，仲要钟个头埋去玩窥探，呢种男人嘅“劣根”，最后只会遭人讨厌。。。

而D女人呢，围埋一齐嘅时候讲到男人，一般都会提及佢哋有条劣根，特别关乎女人嘅劣根，好多女仔，都提及以前嘅男朋友，就算依家有咗新女朋友，仲懒唔痴情咁揾佢话喺联络旧相识，其实喺想揾翻个旧相好，呢条根，真喺好黑人憎。。。

不过，女人都有条好天真好傻嘅根，呢条根，岩好适应晒D男人。
佢哋成日俾D所谓美丽嘅浪漫、珍贵嘅过去缠绕住，居然肯落叠。
正如有个朋友所讲：一般男人讲承诺嘅时候，错不在佢，喺个女人信以为真先至喺错误。

正因为男人女人都有呢条或果条嘅劣根 而且可以痴埋一齐，呢条就正所谓嘅痴孖根嘞~