童心未泯乃大智若愚嘅思想

小朋友，会因为小事而开心，因为系佢地心目中，哪怕只系今日有雪糕食，或者受到老师表扬，攞咗朵小红花，都系一件开心嘅事情。

小朋友，好快会忘记唔开心嘅事情，玩唔到游戏机会唔开心，玩具烂咗会唔开心，但佢地会因为其他事，哪怕只系妈妈同佢讲句：“做晒D功课，给你玩，考试拿100分，买过个新嘅玩具俾你”。

小朋友响我地睇嚟来系几咁幼稚，但系小朋友，却有住我地所失去咗嘅快乐，原来我地有时候对于问题嘅发生，好多时连一个小朋友都不如。

我地成日话，人会随着年龄嘅增大继而烦恼增多，呢个系岩，但好多时候都系庸人自扰，更加多嘅时候，我地由于好容易得到自己想要嘅大部分嘢，例如想买靓衫，可以买，买玩具，又可以买，老师表扬自己，又唔可以当饭食，所以，我地唔会话成日都咁开心，应该话我地唔会好容易就感到满足。

身边好多人成日都话我成年人仲好似个小朋友咁"傻羹羹"，小小事都开心餐饱。我认我系傻啊，因为我可以因为一D好少嘅事情而开心，我成日同佢地讲，我好小朋友，系返工以外嘅时间，我都系好小朋友，因为小事而开心，我可以成日开心，因为小事而开心，我可以好快咁忘记咗唔开心嘅嘢，人何必要难为自己呢，或者呢个系我嘅Lifestyle。

当然，我系度唔系鼓励人地好容易去满足一样嘢而唔去努力进取，我表现出来嘅只不过系一种开心嘅态度，开心过后，我一样会去努力进取，但只不过系我比其他一D人，多咗一部分时间去开心遮。

“小朋友”大智若愚嘅思想，又有几多人可以领悟得到呢?我捻嘅亦好多，但我捻也之余，我懂得去享受人生，哪怕我唔系家财万贯，今晚冇鸡煲刺落肚咩，唔紧要啵，有我中意嘅玉米羹，一样开心嘅。