“FaceBook”试用体验！

        今日第一次试用注册左好耐、但系一直未用过的“FaceBook”！至于何谓“FaceBook”?系近排好兴的一个类似国际BLOG的平台！（大概系挂！）由于个Friend劲推荐，所以第一次踏上“体验之旅”！

        首先打开“FaceBook”的首页，发现宜家已经有中文版了，以前我注册的时候，系只有英文版的，证明华人对“FaceBook”的使用率越黎越高，值得开发方开发中文版本！

        “FaceBook”首页整体的感觉非常简洁，几乎到无咩野的地步，有D类似QQ空间的商务版本（即系无甘花哨的果种呢！），以蓝色为主！具体使用其实唔算太复杂，不过有好多地方就同内地的大部分BLOG平台唔一样，比如对某个朋友发出添加邀请系只能一次的，而且仲可以赠送小礼物俾距。上边也都有好多小游戏玩，比较有意思的系其一一个叫“向世界出发”的小游戏，个游戏系要玩家对显示出的风景图猜出地方国家名，唔好以为好容易，距唔系一定会俾城市地标俾你睇架，好多地方我根本就唔知系边度黎的，当然，系有限定时间啦！时间倒数完之后，系统会自动统计你估左几题，答中几题同埋错左几题，最贴心的系距仲会好详细甘一一列出，你就可以对照返到底系边题错左，正确的地方国家名应该系咩，从中学到唔少野，我目前最高记录系系限定时间内答中50题，呵呵，排名八百几名（共有九万几人），仲要继续努力啊~~~我就唔信唔可以玩到单位数！不过，我觉得距最好的系，玩完之后唔会话玩完就算，我宜家就对好多地方的风景有左更多的认识喔！哈哈~~而且亦都识左好多以前根本听都未听过的国家呢，所以我话距的游戏名改得好啊——《向世界出发》，的确好贴题！

        好了，一大篇都系讲呢个游戏，就知我几钟意玩啦！言归正传，其实我想讲的系，我发现我原来之前开过好多BLOG的（岩岩开始流行玩BLOG的时候，就注册左一大堆），比如目前已经无用的新浪啦（原因系我每次打开大部分时候都会出错，都唔知搞物野）、MSN（呢个好少少，起码N年前系有更新的，只不过距越黎越难打开，上传图片更加系成日无响应，所以，心淡了！）、台湾的PCHOME的中文台啦（呢个平台其实主要系发表文章新闻为主的，设置上无咩花哨野！），羊城网的BLOG（果度其实最大的优势系打开网页非常快，而且亦都支持模板功能，不过DIY的部分稍微仲未够），仲有就系呢度的QQ空间了！（其他好多已经忘记晒！）

        用得最多就系呢度了，因为贪距够花哨，DIY比较多，可以造出唔同的风格，好处其实唔需要太多讲啦，大家都系度用！（最闭的地方就系咩都要钱，成日要你成为咩钻咩钻，先可以有D你想要的功能，真贼！）

        随住网络的越黎越普及，上网写BLOG的人比以前真系多左好多，几乎识亲个个都系有写BLOG的习惯的，大家仲会系度想尽办法同个BLOG扮靓靓，哈哈哈~~~自从好败家甘成为黄钻之后，我就为左对得起我的每月十蚊鸡，好努力好频密甘更新我个BLOG的风格打扮......但系，注意！甘并唔代表我的日志会与打扮的频率同步！！

        好了，讲左一大篇废话，又到好夜了，训觉去也！！闪~~~~~