P.S. I love you

怀集_贺州

上一篇 / 下一篇 2007-02-22 17:47:44 / 图片数(35) / 个人分类：旅游

现在过年对于我来讲已经没什么意思的了，除了闷还是闷。今年，那个计划了N久的自驾游终于落实了。年初三出发，免得自己发霉，不用请别人吃饭忙个晕，也不用被别人请吃饭，一举几得。

只可惜，我家还没有步入数码时代，还在用几年前买下的用胶卷的samsung。偏偏我用的E680i的拍摄功能是最大的弱点，勉勉强强也记录下些许点东西吧。（下面就转变成广东话咯

）

首先当然要介绍下此行的人物啦，包括我老豆－人称佳叔，我阿妈－大家都叫洁姐，我两个妹同我（米即系我成家咯～）。仲有我我叔叔－盛叔，距老婆珍爱姨，盛叔个仔－人称大佬或者新哥。仲有好过瘾的一家，爸爸系大家尊称鬼裕的仁兄（听闻鬼裕呢个名的来历系因为呢个人好鬼马），妈妈系个有点泼辣的靓妈妈珊姐，同埋一个4岁的妹妹（几得意下嘎~~)。

大大话话开左3个钟头车，终于到达我老豆个师傅仔的家乡－－怀集。早就听闻会系个颇为落后的地方，有左心理准备的啦，估吾到真系甘的者。成条村得一条水泥马路，仲要净系够一部车过，沿途见到的都系的我好耐都无见过的黄泥屋。我地开的不过系盛叔的“宝马”－－农民车一台同埋鬼裕的东风标致CRV，但系凡系见到我地的无不行以庄重的注目礼，当日我地的回头率是200％。九曲十八弯以后，终于到左师傅仔的屋企，系田间的一座三层红砖房子，系当地来讲算系好好的啦（走得太赶，影吾到比大家睇啦）。农家地方好多的家禽，狗都有十几只，鸡鸭鹅就更系走围都系啦，仲有的猪仔、大猪同牛～～

师傅仔的屋企人都好热情，整左超多的也招呼我地，当中就有我妈到依家都回味无穷的走地鸡，仲有的笋啊、冬菇等等一大堆的也。师傅仔的父亲见我甘中意距的番薯干，干脆成袋比埋我添（人地的番薯干自己整嘎，而且整得好软，吾硬的，好好食

）。我地的细路系车上食得多零食，吾系好饿，无耐就停左手。师傅仔的老婆，大家叫熔嫂的姐姐就带我地去见识下的“山卡啦”地方啦～睇下相啦

尼张系系师傅仔的屋企前边影的，远方的一的屋

尼张系距地条村的祖屋，成条村的人有咩大事都会来尼度拜下祖先，以前大家都系尼的旧屋度摆酒的，熔嫂话依家好多当地人结婚都吾会大摆酒的啦，留翻的钱旅游好过~~

感叹下先~~好耐无见过牛咯，依家的旧的黄泥屋，村民都系用黎养猪养牛的，后边果两幅熔嫂话都系距地的屋来嘎，最后一幅系纯属路过的时候见到几有特色影底的者。

左边果张系的村民收集松香的图，左边果个就系熔嫂啦，熔嫂话一担松香300文左右啦。右边的竹上边写住主人的名的，系距地果度，柴草、竹、树等等好多也都系每家人都有份的，大家就用尼的办法认住自己的也。

一路行，熔嫂就同我地讲距细个玩的一D也，边D系可以食得的野果，边D植物又系可以食的，系咩味，距都好熟悉，仲有村民点生活，尼个地方点，果个地方点，似乎每一寸土地距都好熟悉，度度都留有距美好的回忆，行到边度都系热情打招呼的村民，大家都好乐也溶溶。熔嫂无论讲咩都好兴奋，脸上总是挂住笑容。仲同我地讲好多好多好好玩的也，话如果我地好天的时候去可以见到更多，住多几日可以玩到更多。同埋距的两个仔，个个都好精灵。系熔嫂度我见到左满足，尽管生活有点苦有点累，但一切对于她来说好像已经足够了。尼个令我想起尼段时间一直萦绕系心的一D想法，其实，读书读到依家读大学啦，文化知识我地系多D，但吾见得我地比距地幸福。幸福同快乐真系可以好简单。或者我做一个尼个地方的一个无知的女子，我会过得更单纯更快乐一D吧。

怀集不过系旅途的第一站，之后我地要去贺州浸温泉，于是又上车继续旅途啦。贺州住的旅店系盛叔的师傅仔阿亮订的，去到旅店放低行礼之后就去探下师傅仔亮啦。之前系师傅仔熔度见到的已经足以令我地惊叹其落后的啦，但系一比起师傅仔亮的尼，就绝对无得比。用的大人的话尼就系“熔果度其实都吾山的啦，师傅仔亮果度先至系真正的山啊”。我妈就更加话叫距去数钱距都吾愿去第二次。

就系行尼的山路去师傅仔亮的屋企的啦，开住车果阵影的，的路系的山中间开的，迂回曲折，好多都好高，我妈有畏高症就更加吾舒服，我地都系度讲D路究竟系点样修出黎的。见到最尾果张里边的“半山别墅”吗？尼D甘的屋系果度好多。系尼D石山中间开出黎的路度开左成三十分钟的车先去到师傅仔亮的屋企，话说尼度已经系一个镇的啦～～

好吾容易去到尼个镇，系入口果度居然有家人自己设立收费站的！！尤记得好耐之前我好似系报纸度见到过有D甘的报道，依家终于系亲眼睇到啦，简直就系无法无天啊，不过都系的，尼度甘偏僻，管理到尼度有谈何容易啊～我地系师傅仔亮带入去的，就吾使比路费咯。如果吾系部车开得快，手机镜头的象素又吾高的话，肯定影几张翻黎比大家睇啦。

尼间就系师傅仔亮的屋企啦，系间典型的黄泥屋，原谅我的时间不足，无影底里边有价值的也，右边尼幅系距家前边的梅树，整酸梅酱用果D啊～

好几个钟头之前，我仲系度想自己或许可以甘于做一个村姑，平平凡凡甘过我的一生。但系到过尼度，见过师傅仔亮的老婆的生活状态之后，我发觉自己绝对无可能甘心甘样过我的生活。系尼个几乎与世隔绝的地方永远愚昧，随便稳个人嫁，生几个自己的儿女，老公出外务工，自己留系间屋度碌碌无为甘过日子，都吾知自己做左的咩就过完了我的一世，甘样的我的人生就同张白纸无区别。

开车翻出黎果阵，珊姐就话，尼的女人的要求其实好低，有个人照顾，生活过得差不多米就够咯，米使乜好多女子出到去无几耐就沦落风尘啊，系度生活甘艰辛，出到去，有个大款睇住，食好住好，第日有左钱，翻到去屋企一样甘风光。

啊妹再次见到D半山别墅的时候话：“系的甘偏远的地方，夜晚点上网？”我说你还担心上吾上到网啊？有电就好好啦。啊妹回左句：“甘米无得挂Q咯？”......

开车出翻黎，天都黑晒啦，又系时候稳地方食饭，食完就翻去旅店，之后就落去浸温泉，于是我地黎到：

路花酒店，尼个名改得好啊，真系名副其实，工作人员从上层到下边全部都系“花”，无草的。但系啊路花的服务尼就不敢恭维啦，又于是，出现左下边尼张经典图片～～～

图中尼位就系我地的盛叔啦，张图店黎的尼？话说路花的服务实在系...落左菜单之后，盛叔就忍吾住去监督下，见到距地甘的做也方法同效率，为左我地的安全着想，同时又想甘多个细路仔可以早的食饭，干脆自己帮距地烧火～～

等左N耐，啊新哥中午无食饭就更加肚饿，叫住话要食饭，啊妹去厨房侦探到话D餸终于出锅啦，我记得盛叔放左两碟鸡同一碟鱼落去的，见到个服务员拿住的类似的也出黎，估计都系我地的啦。点知距好坚定甘一直向前行，眼尾都吾望下我地尼围台。起初以为真系吾系我地的，知道后来比我地迟的人都食紧饭啦，鬼裕去侦察左下，发觉个服务员拿错左，啊盛叔烧火烧得甘痛苦整出黎的餸去左人地果度～～至于我地只鸡啊？拔毛ing啊～～

又好一阵过左去啦，我地的也终于见出台咯，蒸水蛋～～系盛叔的监督之下，水蛋蒸得都吾错的，几嫩下。D餸啊，我都吾知比乜评价咯，大家将就下一餐甘啦，碟蒸鱼望落去好正常，食落－－好大阵味精味啊～～碟鸡－－全场同时感叹－好香啊，梗系啦，放得多麻油啊嘛，但系食落去尼，好淡，索然无味的，果味姜葱煮鱼呢，仲系吾熟的添。之后的炒豆苗－－盛叔话的豆苗仲老过距，碟炒菜心拿上来果阵我地净系得一个反应－－好多菜花啊！！由于妹妹仲意食蛋，后尾又叫多碟蒸蛋，呢次无盛叔睇住，碟蛋老到啊～～无晒意见。食埋食得的也之后，埋单，离开路花，翻去浸温泉～～～～

尼两幅系第二日早上起身果阵系旅店的房间阳台度影的（小I晚上根本拍不了的说~~)，左图系的独立的出租别墅，右边尼系浸温泉的地方的远景。

尼个贺州的温泉其实无咩特别，池都唔多，全场就得果4个，除左男士更衣室前边果个因为太多男士我地无去过之外，其它都浸过，除左水温有D唔同之外，相信无咩分别，我又都无留意尼个温泉到底有咩效果～～

至于间酒店嘛，具体收费我就唔系好知啦，不过我老豆话比祈福仲贵甘话。住宿的同时每个床位会有相应的一个浸温泉的名额，早上同晚上唔限时间甘任你浸。里边的也都算干净整齐的，的设施都过得去，不过我就觉得张被太薄，又有D短。去果阵天气唔系太好，成日落雨，温度本来就唔系好高，啊妹又话要开住个阳台门通风，再加上我着住短袖衫同短裤训，成晚感觉好似开紧冷气甘～～好冻！

山脚有间有也食的东东的，老豆、盛叔同鬼裕去左宵夜，食骨鱼粥。第朝我地早餐的时候食过，都几好，不过距地就话晚上食宵夜的时候的份量多好多。D叉烧包尼就真系麻麻啦，啊新哥食左半个就猛话距难食。埋左单－85文（两打叉烧包，一打鸡蛋，炒河粉，骨鱼粥，好似系甘多啦），开车去姑婆山。

到姑婆山啦，上次去桂林的时候经过都无去，今次终于去到咯。景区唔比开车入，入边有第二幅图的甘的车接送来往各个景点。

姑婆山景区度好多D甘的流水同自然风景，系贺州野生的桃花好经常见到

去仙姑瀑布途中经过山神石，《酒是故乡醇》的其中一个取景点。后边两幅就系仙姑瀑布的相啦。

仙姑庙啊～～要上去，望下尼条99级的楼梯，觉得自己有甘的毅力上的时候再上啦，上到去仲有30几级嘎~~中间的图系个牌坊的背面，上去的时候无气啦，唔记得影，翻落黎点都要影下的。第三幅就系间庙啦。佛门清净地系唔准拍摄的，大家有机会去到再睇下啦。个大师话要系左门入右门出，甘样有利于行大运嘎，而且要一大步跨过去，唔好踩到条地砍。中间的门尼每逢初一十五先开的，系比的出家人行的～～