高人一等？

今日貌似係开学噶日子，本人新居附近某单数重点中学噶首脑一早就将学生集中响运动场新年训话。当然，所谓训话吗，无非就係三督屁，火星人都知道。

问题就係有一个环节啦，虽然讲者无心，听者亦都无心，问题附近住噶居者就觉得好有问题鸟－－

首脑话，寒假期间，有老师不怕劳苦，坚持上班帮同学补课温习，亦都有学生又不怕劳苦，坚持上课俾老师补课温习。首脑高调肯定咗佢地噶行为之后，出咗一个小弟觉得好有问题噶陈词－－只要师生努力，共同奋斗，我地一定会高人一等，云。

高人一等？！

大佬，呢个係有中国特色噶社会主义社会，貌似我地阿胡温高层，都致力于和谐，致力于摆脱阶级矛盾，尽量淡化人分三六九等噶社会狭隘之见，没想到一个重点中学噶
首脑级人物，却仲推销呢种精英意识，以等级嚟区分中国公民，无嫩嘢啊吓吗。

如果你堂堂一个重点中学，教出嚟噶学生就係高人一等，咁呢个世界就简单咯，我地都唔使乜八荣八耻鸟，反正依捞七陷世界都读重点中学，陷世界都稳你阿重点中学首脑教书，咁未陷世界都高人一等咯，如果陷世界都高人一等，咁我地呢个国家未全国都係上等人？

读书人，本来应该教人向上，不过唔好教人生骄。如果连教书老九都咁有门户之见，教出嚟噶学生，又点会建造和谐社会呢？

下次总结，麻烦换一下呢个词，胜人一筹，或者快人一步，都係上上之选，而唔係读一下重点中学，就高人一等，未来仲有大把挑战等你班学生去面对，OK？