兽发乱了～～

今日如常坐电车返工（好多日没得踩单车了。。。），一落车，呼呼声阴风吹到头发都乱晒。原来个分界都被吹到九一分咁滞。玛勒格碧，呢度係广州啊，南大门啊，咁冻托咩～仲要湿冻，死多二钱重。无尽无奈无念，继续寒风中滚返公司去鸟。

谂起一班仍然同寒风搏斗，期待可以准时回家过年噶民工同志们，都觉得几坎坷，平时都已经係食物链最低层噶一个环节鸟，家阵小小噶愿望都未可以实现，仍然要冒住寒风等运到，其实真係好悲惨噶。

边个话个天係公平噶呢？至少呢个环节，个天就做得唔够好啦，所以话，信个天就不如信自己好过了。

为咗头家出去做野，又为咗头家挨风抵雨冀待团圆，哪怕你国，你党，你乜乜实实讲得有几伟大，响呢个时候，又有乜紧要得过头家呢。

祝各位出力建设广州噶人，新年可以如愿以偿啦。