电梯惊魂

今日收工，不幸在同事怂恿下坐进了传说中无重量计的电梯中去。再次体验生死间噶紧张感。

话说我地第一批入去噶时候电梯是向上的，因为落班高峰期，所以都不挑剔了，而且如果你唔上去，咁电梯下来的时候将会是爆标，更加唔使旨意有得搭了。本来就真係有D唔愿意，不过后来见到堂梯係冇人噶，就搭上去算了。

36楼係东峻自己本身专用噶，果度简直好似个集中营咁，永远都有一帮可以塞满晒电梯噶人等候，堂梯上到去，基本上就已经爆满咯，如果係隔离噶梯，基本上就够重直接落大堂了，可惜呢堂梯係无重噶，即係话人係可以无限塞入去，只要够位企。

柯捞嘢了，一堂本来已经超载噶梯，逐层停，层层都有厚颜无耻噶人夹硬塞入去，而且D人係无视里面搭客抗议，直接塞入来噶，于是，传说中噶无重梯，继续佢一停一扯一震动噶危险之旅。每一次停，都带住强烈噶牵扯同震动。果D厚颜无耻迫入来噶人，仲响度装假狗，搏命话东峻呢堂梯危险。

大佬，你明知危险，你仲迫入来托，你归心似箭都唔好用条命来较飞啊。我真係担心有一日条钢索会超负荷断裂，事关果种超载唔系一般噶超载，係严重超载，而且伴随住强烈噶扯动，真係步步惊心。

落到下面，我同另外一位同事都达成咗共识，已经已经唔想再搭呢堂野了，哪怕再等耐D都好。

故事讲完啦，以后大家如果光临东峻，不妨享受一下三座最埋边只上20层以上噶无重杀人梯，绝对好过你玩跳楼机。