是谁唱衰了广州人

上一篇 / 下一篇 2008-09-27 23:15:42 / 个人分类：我有我讲

查看( 103 ) / 评论( 13 )

今晚放工，再次见证风高物燥对人嘅直接影响。

上车之时，见倒一个50岁左右嘅阿叔，差唔多埋座位果阵醒起未俾钱，于是叫同伴ar住个位，自己去翻前面俾钱，and then翻来坐低。当其时，大家已经陆续上车，座位已经所剩无几。

部车开动无几耐，就听倒一男一女闹交。我转头一望，正系果位阿叔，同另一位貌似原本想坐果个位但系俾人ar住、无位坐嘅女人，都系貌似50岁左右。由于佢地实在太瞩目了，我停咗手机嘅game，转而录音算数。佢地真系好丢广州人嘅架啊……

片段1：阿婶话阿叔拿老人证半价搭车、系冒充老人家、冒充广州人，阿叔就懒pear咁话：我不see广州人，我中国人。绳啦？可以啦？你投诉我啦？坐巴士不给钱啦？看你怎么样啊？阿叔阿婶你一句我一句用唔咸唔淡嘅普通话开骂。

片段2：阿婶话阿叔个老人证系假冒嘅，要睇佢个证，阿叔梗系唔俾佢睇啦，就话：你有没有理由呃？你什么身份呃？你什么人呃？YU~~~~~~好笑涅～～～～～（阿叔发烂渣把声好搞……）

片段3：阿叔阿婶嘅煲冬瓜越来越讲唔正，卒之大家同时转翻广州话（-_-!!）大家都讲到无嘢讲，又唔愿输舌，不断互讲“嗮气”。阿叔好兴，头脑发热咁话：成个人癫晒呃。点解你老豆唔生你白痴D？好似我咁啊嘛？你咪就系精过龙咯。精到过晒龙呃。阿婶话佢痴线。阿叔就话系又好啊，听日唔使开工呃、唔使捱辛苦呃。

其实，坐个位啫，唔使咁兴呃嘛？话晒宜家成日讲情义广州，家下坐少阵啫，未至于咁大件事啊哇？咁坐住闹果个仲更加添，ar位都算了，仲要大声夹恶。唔通，呢个世界真系恶就可以话晒事？其实，我更希望佢地真系唔系广州人咯……

3. 齐齐Nicam现真身

2. 发烂渣

1. 老人家？广州人？

WingTse 发布于2008-09-28 09:48:26: To all：皆因我呢头打机，果头就听倒有人嗌交，仲要D煲冬瓜咁“正”，咪嚟手录低佢咯。

两个人加埋成百岁都有了，咁小事佢地都可以咁不辞劳苦滔滔不绝，由珠江讲到印度洋，我花小小时间记低佢，实在唔算得乜啦。但我希望真系唔好咁多失礼嘅嘢发生起我地身边咯。如果每个人想发威嘅时候，心里面都有个“可能会俾人录低”嘅心理威胁而作罢，我霖，宜家记低佢，都会有小小价值。

angelchan 发布于2008-09-28 14:20:07: 包卑鄙，放假啦，米理甘多闲杂人等啦~~~叫左你开心放个假嘎啦~~~~~吾想见就吾见，吾想听就吾听，当距无到米得咯，尼D无谓人，匆匆过~~~~

kevin发布于2008-09-28 14:44:18: 我系度林如果澳洲D人口都好似GZ甘会吴会用同样的情况呢？因为系澳洲系绝对吴会出现呢D情况的。大家都非常守规矩，绝对会让座比老弱病残，大肚婆或推BB车的，鬼佬重会好自觉甘帮你扶BB车添。有个例子，朋友的亲戚，老妈中风要坐轮椅，小孩太小也要坐轮椅。该位女士竟然可以一个人推俩辆轮椅车去坐公车饮茶！问其原因，答道：怕乜啊！搭巴士大把鬼佬里帮你啦！
有人会疑问，系澳洲资源甘丰富，人先至甘守规矩姐！不过我又发现even系上落班的高峰期，部巴士，火车挤到沙丁鱼甘，大家一样系甘守规矩喔。甘系吴系人的素质问题？？我就吴知啦！

WingTse 发布于2008-10-04 23:06:32: QUOTE:
原帖由 kevin 于 2008-9-28 14:44 发表
我系度林如果澳洲D人口都好似GZ甘会吴会用同样的情况呢？因为系澳洲系绝对吴会出现呢D情况的。大家都非常守规矩，绝对会让座比老弱病残，大肚婆或推BB车的，鬼佬重会好自觉甘帮你扶BB车添。有个例子，朋友的亲戚，老 ...
我仲系果种观点：环境对人嘅影响不容忽视。同一个人，起唔同嘅环境当中，就会受唔同嘅影响，近朱者赤，近墨者黑，孟母三迁，都讲紧环境嘅地位。尽管真系仍然会有人例外。

规矩可以起有限嘅日子订立，但素质唔可以话得埋几时培养倒。以前无听闻、或者少听闻咁嘅事情发生，于是我对呢D事都不痛不痒。但系当意识到一D社会行为规范系应该做倒、而好多人做唔到嘅时候，就会多咗不屑、不满，同不解。就算广州唔系搞运动会，唔系搞创文创卫，我依然觉得呢D事情应该有人留心。尤其系连唔关你事嘅嘢、自己都意识到羞家嘅时候，我觉得就有“揪出来”嘅必要了。多咗一个群体知道呢种事情有人不齿，再次发生嘅机会就有可能少一D。

呢一"D”有几大，我唔知。起车上，我无、亦唔愿意制止佢地。但宜家，我想做翻D嘢，为边个都好咯。