新女人二三事

今个礼拜以嚟，我遇倒嘅几个女人，都堪称女中豪杰，令我一霖再霖：究竟宜家D女人发生咗咩事。

女1：盒饭女人

某日放饭时候，与俩同事买盒饭。吾前乃一40上下妇人，打两盒。买毕，踯躅窗口。吾伸手递票予打饭女，妇盒饭与吾手相碰，一落地。女乃执我手，高声叫赔。据理与之论，不饶，且吾身上已无银矣。旁一年青小伙不堪其吵，交10元纸币予我，以息事。吾感激，却之。该女坚持不放，及至爪吾盒饭至穿：唔买翻个饭俾我，就俾你盒我！唔俾最多大家都无得食噶啫！唔系唔使旨意出呢个门口！终事头婆取其中，半价再打一盒可了。遂借吾同事数元交事头婆，速离现场。

女2+3：公交司机及乘客

果朝上完车，坐咗去后半嘅位，循例听住耳机hup阵。点不知过一个站，上咗个讲广州话唔正嘅女人，一上车就um um赵赵，隐约听倒仲有人搭嘴。啊，于是两个女人就开始大声嘞！家属，祖宗，今世，第世，人间，地狱，hum bang lang数晒出来。嗌到连旁边D男人都劝交了，佢地仲闹得兴。大概过咗6、7个站，个讲嘢唔正嘅女人落咗车，临走仲对住车头手指指，把口念念有词。好，咁我继续训。啊，点不知到总站落车，个女司机好解恨咁重复啱先讲过嘅粗口，于是知道，啱先另一个对话嘅人，原来系司机……

女4：后生靓女

今朝上车，大概搭咗半程，后边隔两位左右开始有人高声讲电话。系个后生女仔嚟，沙沙声，大概系同男朋友嗌交，大家互数。间中静晒，以为讲完，点知系对方数得太兴、一轮嘴，所以女仔一接翻话柄，即时以数倍于之前音量驳回。哇，真系撞猫佢，成车静晒，除咗部公交电视仲有声。足足由海购闹到北京路口落车，都仍然未收线。我起车上望咗下：金色挑染长发，黑色连身短裙，红色环保袋，个样都几标志。唉，嗮咗……

到底，宜家D女人发生咩事啊？？？？