请饮

半夜三更，坐起电脑前。唔开灯系我既习惯。

校左无声既手机闪出光芒。有短信。

23:13老man：靓Wing，突然林番起摘荔枝果日～～嘿，美好回忆总是短暂的。

23:16复：一场曾经以为系last既farewell party……

短信复完，我知道，回忆又开始。

所言系07年07月07日呢个日子。一场心照不宣既话别。当日既我地，有决定走既，有知道人地走既，有欢送人地走既，有唔想人地走既，仲有，乜都唔知既，但每个人都笑得甘开心。

笑对于我来讲，系一个意义深远既符号。倾计玩乐开心时，心情靓，会笑；心力交瘁时，回应一个真心既支持，会笑；如雷贯耳时，抱住死猪唔惊滚水渌既态度，会笑；穷途末路时，脚下一片泥泞，心内坚持前面果一缕阳光，会笑。睇番果日既相，仲有短片，我见倒自己笑得好开，发现原来自己系有甘多甘搞笑既表情，自己睇番都有种“笑得好安乐”既感觉。两个傻婆真系笑得何其开心。起果一刻之前，我已经决定离开。我知自己个星座毕生都会玩一种叫做十五十六既游戏，但当决定既时候，我又系几甘自豪，几甘如获新生，几甘有打胜仗既姿态，尽管知道其实一直都只系自己打自己。

即使宜家仍在旧地，换左新东家既我就好似大换血，由深黑，变鲜红。我依然知道自己要既野好简单，生活依然可以轻易灿烂，但我知道好多既曲折令到我对简单越发珍惜。一段倾诉既日子，一段话别既日子，一段翻生既日子，一段预左失去、却又得到更多既日子，对我来讲，绝非赘笔。我所要做既，唔系一声多谢可以表达得倒。想表达，唯对方经已知道你又想“讲埋D衰野”，顾左右而言他。

你成日话，好中意我笑起来有两个酒粒。

如果少既两粒肉系可以装酒既，

我请你饮一世，

又何妨。