最近，我哋编辑部就寓学习于娱乐

睇！住！电！影！嚟！学！嘢！

仅仅用咗两日时间

就令我哋嘅窒人水平有质嘅飞跃！

皆因今次我哋真系唔讲笑

请教咗星爷周星驰

为我哋示范如何高效有力窒人！

根据不完全统计

星爷喺佢嘅电影之中

一共同167个人嘈交

战绩167胜0败

（其实以上数据纯粹9up）

喺学习窒人技巧之前

我哋希望每一位自己友同编辑一样

做好以下窒人准备——

借助重物，锻炼牙力：

加强锻炼嘅强度同频率

保证有足够嘅肺活量：

不过相信在座各位都系做唔到㗎啦

所以为咗唔浪费时间

我哋直接进入正题！

窒人嘅入门规矩

首先系要掌握好言语嘅艺术

而捉字虱无疑系最简单直接嘅一招

▲图片来源见水印

高手出招，仅仅系一个“之”字

就可以拯救生命（窒爆对手）！

就算对方问嘅嘢我唔知答案

我捩横折曲都要答

✎捩横折曲：颠倒是非，黑白不分。

你以为炒鱿鱼系解雇你？

我系真系要炒咗你嚟食

你要打救我，我就打9返你

冇犹豫！冇迟疑！

▲“鸠”与“救”喺粤语中音近，而鸠就指代…………

（不可描述嘅嘢）

当然仲有强盗逻辑——

你讲嘅都系错嘅，我讲嘅都系啱嘅！

▲字幕有误，“厉”应为“睥”

（适当嘅语言同表情强化，效果更佳！）

捩横折曲呢一招

为嘅就系先承接对方嘅说话

再扭曲意义

成为有利于自己嘅观点！

基于事实基础

进行言语上嘅艺术加工

例如把握好对方嘅死穴

对每一个死穴都进行详细而狠毒嘅点评

下面请收睇包龙星嘅学院派标准演绎！

继承21世纪嘅键盘侠真传

上纲上线，后果有几严重讲几严重！

（我哋冇用键盘，绝对唔系键盘侠）

从历史引申到你失业

有咩比冇钱更加恐怖？

学识呢种方法

即使你喺公司只系食物链嘅低端

都可以直接开怼大boss！

各位谨记：你嘅一把口，

系你最后嘅底线，亦系最好嘅武器！

窒人，唔系单一嘅语言艺术

仲需要全身上下各部位嘅配合

用全身嘅细胞嚟演戏

越系神神化化就越有效

✎神神化化：言行不太正常。

比如对手讲一啲唔符合时间嘅规条

（注意一定唔可以笑场）

唔求吓亲你，只求听懵你！

对手搵你笨咁又点？

食住个势嚟数臭佢！

扮阿Sir用规矩规条嚟窒人

劲有道理，对方冇得反驳

神神化化仲特别适用于转守为攻

喺你畀人窒嘅时候使用！

首先要有夸张嘅动作，亮明身份

提醒各位观众，你已经入戏了

然后就可以开始你嘅表演

将责任转移到对方身上

成功从被告变为原告！

所以，神神化化就系要出其不意攻其不备

令对方跟唔上你嘅channel！

虽然窒人技巧够晒盏鬼

不过世界和谐依靠大家

各位要时刻记得爱与和平呀~

各位自己友

你觉得星爷边句窒人对白最经典？

你仲知道边啲窒人对白？

期待各位喺评论区分享！